خشته‌ی‌ دابه‌شكردنی‌ موچه‌ تا یه‌كشه‌ممه‌ی‌ داهاتوو راگه‌یه‌نرا

به‌پێی‌ نوسراوێكی‌ وه‌زاره‌تی‌ دارایی‌ حكومه‌تی‌ هه‌رێمی‌ كوردستان، سبه‌ینێ‌ چوار شه‌ممه‌ تاكو یه‌كشه‌ممه‌ی‌ داهاتوو، مووچه‌ی‌ چه‌ند شوێنێك دابه‌شده‌كرێت. 

له‌ نوسراوه‌كه‌ی‌ وه‌زاره‌تی‌ دارایی‌ حكومه‌تی‌ هه‌رێمی‌ كوردستاندا كه‌ وێنه‌یه‌كی‌ دەست " وڵات " کەوتووه‌: "ڕۆژی چوارشه‌ممه‌ به‌رواری 13/4/2016 موچه‌ی فه‌رمانده‌یی پێشمه‌رگه‌ی زێره‌ڤانی و هێزی ئاماده‌ دابه‌ش ده‌كرێت". 

هه‌ر له‌ نوسراوه‌كه‌دا ئاماژه‌ به‌وه‌كراوه‌ كه‌ ڕۆژی پێنج شه‌ممه‌ به‌رواری 14/4/2016 مووچه‌ی ئه‌نجومه‌نی ئاسایش و ده‌زگای گشتی ئاسایش دابه‌ش ده‌كرێت و له‌ ڕۆژی یه‌كشه‌ممه‌ی‌ هه‌فته‌ی‌ داهاتووش كه‌ ده‌كاته‌ به‌رواری 17/4/2016، موچه‌ی خانه‌واده‌ی شه‌هیدان و ئه‌نفالكراوه‌كان و زیندانیانی سیاسی دابه‌ش ده‌كرێت.