شاناز ئیبراهیم ئەحمەد: ئیبولای پارتی (یوسفی) گۆڕانە

شاناز ئیبراهیم ئەحمەد لەنوێترین نوسیندا كەلەپەیجی خۆی بڵاویكردۆتەوە، شێوەی هۆنراوەیەك و خۆی ناوی ‏ناوە حەیرانی سلێمانی چەندین رەخنە ئاراستە دەكات.‏
ئاوێنە: لەنوێترین نوسیندا، شاناز ئیبراهیم ئەحمەد، بەناوی حەیرانی سلێمانیانە، لەهاوشێوەی هۆنراوەیەكدا ‏چەندین رەخنە ئاراستە دەكات و دەڵێت ” ئیبولای پارتی (یوسفی) گۆڕانە، گەنجمان لە رێگای ئیجە و ‏یۆنانە،سەرۆكیش بەتەمای دەوڵەت دانانە”.‏
دەقی نوسینەكەی شاناز ئیبراهیم ئەحمەد:‏
‏ قورئان بە هەقت فڕكان فڕكانە
كەس نازانێت كێ لەگەڵ كوردانە
دۆستی پایتەختمان عەرەبستانە‎!‎
خەونی ئۆباما عیراقستانە‎!‎
بەرنامەی روسیش ئەفغانستانە‎!‎
لای خۆشمان پەكوو، لێلێ و لۆلانە‎! ‎
ئەمڵا چاك ئەكەی ئەولا ووێرانە
نازناوی هەرێم قەیرانستانە
یاسامان هێشتا هی دارستانە
بڕیار بەدەستی دەعبای پێ پانە‎!‎
داهاتی نەوتمان لای ئوردۆغانە
پارەمان نیە.. مووچە قڕانە
نرخی شتومەك بەرەو ئاسمانە
تۆڵەكە گران و ماستاو هەرزانە‎!‎
دیموكراسیمان توحفەی زەمانە‎!‎
پەرلەمان هەر وەك كاكی میوانە
ئیبولای پارتی (یوسفی) گۆڕانە
حكومەت سەرقاڵی پلاندانانە
پاشەكەوتی مووچەی لە لا دەرمانە‎!‎
میللەت چاوەرێی لیژنەی سازانە
كاری لیژنەشمان لیژنە دانانە
كابینەی بەغدا بەرەو فەوتانە
مەرجی كوردانیش ( هوشیار) دانانە
گەنجمان لە رێگای ئیجە و یۆنانە
سەرۆكیش بەتەمای دەوڵەت دانانە