دڵشاد عومه‌ر، به‌ڕێوه‌به‌ری گشتی په‌روه‌رده‌ی سلێمانی ڕایگەیاند : "دوای ئه‌وه‌ی له‌لایه‌ن وه‌زاره‌تی په‌روه‌رده‌ی حكومه‌تی هه‌رێمه‌وه رۆژی شه‌ممه 23 ی كانونی دووه‌می 2016 وه‌ك یه‌كه‌م رۆژی ده‌ستپێكرنه‌وه‌ی وه‌رزی دووه‌می ده‌وامی خوێندنگاكان دیاری كرابوو، به‌ڵام ئه‌مڕۆ رۆژێكی تری بۆ زیادكرا".
وتیشی: "له‌لایه‌ن وه‌زاره‌تی په‌روه‌رده‌ی حكومه‌تی هه‌رێمه‌وه رۆژی یه‌كشه‌ممه 24ی كانونی دووه‌می 2016 وه‌ك یه‌كه‌م رۆژی ده‌ستپێكردنه‌وه‌ی وه‌رزی دووه‌می خوێندنی خوێندنگاكان دیاریكردووه".
جێگای باسە لە كۆبوونەوەی رۆژی هەینی ١٥ی كانوونی دووەمی 2016، قوباد تاڵەبانی، جێگری سەرۆكی حكومەت و پشتیوان سادق، وزیری پەروەردەی حكومەتی هەرێمدا بڕیاردرا پشووی وەرزی یەكەمی خوێندن بۆ ماوەی چواری رۆژی دیكە درێژ بكرێتەوە و تێیدا بڕیاردرا رۆژی شەممە 23 ی كانوونی دووەمی 2016، دەوامی وەرزی دووەمی خوێندنی ساڵی خوێندنی (2015 بۆ 2016) دەستپێدەكاتەوە.
