فەرمانگەی كەرەنتینەی كشتوكاڵی دەروازەی نێودەوڵەتیی
باشماخ ڕێگری لە هاوردەكردنی زیاتر لە 120 تۆن پیاز و پەتاتە و شووتی بۆ ناو هەرێمی
كوردستان دەكات.
بەهێز عەبدوللەتیف، لێپرسراوی كەرەنتینەی
كشتوكاڵیی دەروازەی نێودەوڵەتیی باشماخ ڕایگەیاندووە
"دوێنێ 25/3/2019 سەرەڕای نالەباریی كەشوهەوا، فەرمانبەرانی كەرەنتینەی
كشتوكاڵی باشماخ ڕێگرییان لە هاوردەكردنی 72 تۆن و 70 كیلۆگرام پیازی وشكی سوور كە
بە ترانزێت لە پاكستانەوە هاتبوو، بەهۆی بوونی چەكەرەی سەوز و سپی و تەڕبوونی پیازەكە
و بوونی كەڕوو لەسەری، نووسراوی گەڕانەوەی بۆ كراوە بۆ وڵاتی خۆی، یان لەناوبردنی".
دەشڵێت "هەمان ڕۆژ ڕێگری كراوە لە هاوردەكردنی
بڕی 23 تۆن و 730 كیلۆگرام شووتیی ئێرانی و نووسراوی گەڕانەوەی بۆ كراوە بۆ ئەو وڵاتە
بەهۆی نەشیاوی بۆ خواردن، لەگەڵ بڕی 24 تۆن و 890 كیلۆگرام پەتاتەی پاكستانی كە بڕیاری
لەناوبردنی بۆ دەركراوە".
"هاوكات
ڕێگری كراوە لە هاوردەكردنی بارێك نەمامی جوانی و ڕازاندنەوە بە گڵەوە و نووسراوی
گەڕانەوەی بۆ كراوە بۆ ئێران لەبەرئەوەی هاوردەكردنی نەمام بە گڵەوە قەدەغەیە".
