ئیكەر كاسیاسی گۆڵچی یانەی ریال مەدرید نیگەرانی خۆی بە دۆراندنی تیپەكەی بەرامبەر ئەتلەتیكۆ مەدرید راگەیاند و لۆمەی هاندەرانیش ناکات کە هاواری لێ دەکەن و ناڕەزاییەکەیان قبوڵ دەکات.
لە لێدوانێکیدا بۆ ڕۆژنامەکان ، کالسیاس ڕایگەیاند ، هاندەران شكۆی تایبەتی خۆیان هەیە ئەگەر پێویست بكات نارەزایەتی دەرببرن ئەوا لەسەر ئێمە پێویست دەبێت قبوڵی بكەین ، من دەمەوێت بە نیشاندانی ئاستێكی باش وەڵامی خۆم هەبێت.
ئەو گۆڵچییە ئیسپانییە ڕاشیگەیاند ، تایمی دووەم بۆ ئەوان کارەساتبووە ، بەڵام لە کۆتاییدا ئەنجامەکە بە سودی ئەتلەتیکۆ بوو ، پێویستە ئێمە سود لە هەڵەکانمان وەربگرین.
