له باخچه‌یه‌كی ئاژه‌ڵانی وڵاتی هندستان له ماوه‌ی چه‌ند خوله‌كێكدا پڵنگێكی سپی جه‌سته‌ی گه‌نجێكی ته‌مه‌ن 22 ساڵی پارچه‌پارچه كرد.
له باخچه‌ی ئاژه‌ڵانی دێلهی وڵاتی هندستان گه‌نجێكی ته‌مه‌ن 22 ساڵ دوای ئه‌وه‌ی چووه‌ناو شوێنی مانه‌وه‌ی پڵنگێكه‌وه كه به پڵنگی سپی ناسراوه، هێرشی كرایه‌سه‌ر و پارچه‌پارچه كرا.
ریاز ئه‌حمه‌د خان وته‌بێژی باخچه‌كه وتی: "گه‌نجه‌كه رێنماییه‌كانی پشتگوێ خستووه و چووه‌ته‌ناو شوێنی مانه‌وه‌ی پڵنگه‌كه كه 18 پێ به‌رزبووه".
وه‌ك له گرته ڤیدیۆییه‌كه‌دا ده‌رده‌كه‌وێت، دوای ماوه‌یه‌كی كه‌م، پڵنگه‌كه هێرش ده‌كاته‌سه‌ر گه‌نجه‌كه و ملی ده‌گرێت و دواتر ده‌یكوژێت.
