شه‌وی رابردوو ئاگرێك له چیای گوندی زه‌نگڵان له پشده‌ره ره‌قه‌ی سه‌ر به قه‌زای پشده‌ر ده‌كه‌وێته‌وه‌و دوایئه‌وه‌ی له‌لایه‌ن پۆلیسی دارستان و ژینگه‌ی راپه‌ڕینه‌وه كۆنترۆڵده‌كرێت، دوانیوه‌ڕۆی ئه‌مڕۆ 14/8/2014 دووباره ئاگره‌كه سه‌رهه‌ڵده‌داته‌وه‌و به‌هۆیه‌وه ژماره‌یه‌كی زۆر له دارو پوش و پاوانی ئه‌و ناوچه‌یه ئاگرده‌گرێت و له‌ناوده‌چێت.مولازمی یه‌ك له‌تیف جه‌لال ئه‌حمه‌د لێپرسراوی هۆبه‌ی راگه‌یاندن و به‌ڕێوه‌به‌رایه‌تی پۆلیسی دارستان و ژینگه‌ی راپه‌ڕین به PUKmedia ی راگه‌یاند: به‌هۆی وشكی پوش و پاوانی ناوچه‌كه ئاگره‌كه كۆنرۆڵكردنی گرانبوو، به‌ڵام به هه‌وڵ و ماندوبوونی پۆلیسی دارستان و ژینگه توانرا كۆنترۆڵبكرێت.
له باره‌ی زیانه‌كانی ئاگره‌كه‌وه وتی: 65 دۆنم له پوش و پاوان و زیاتر له 5 هه‌زار دره‌خت له ناوچه‌كه سوتاون.
هه‌روه‌ها ئاماژه‌ی به‌وه‌شكرد كه هۆكاری ئاگركه‌وتنه‌وه‌كه تائێستا دیارنیه‌و وتی: داوا له هاووڵاتیان ده‌كه‌ین كه سه‌ردانی ئه‌و شوێنانه ده‌كه‌ن، به‌هۆی ئه‌وه‌ی وه‌رزی گه‌رمایه‌و پوش و پاوانی ئه‌و ناوچانه وشكن، ئاگر به‌هیچ شێوه‌یه‌ك به هه‌ڵكراوی به‌جێنه‌هێڵن و له‌دوای خۆیان بیكوژێننه‌وه.
