وه‌زاره‌تی به‌رگری عیراق گرته‌یه‌كی ڤیدیۆیی رووبه‌ڕووبوونه‌وه‌ی سه‌ربازانی سوپای عیراق و چه‌كدارانی ده‌وڵه‌تی ئیسلامی "داعش"ی بڵاوكرده‌وه.ئه‌مڕۆ وه‌زاره‌تی به‌رگری عیراق رایگه‌یاند كه "به پشتبه‌ستن به زانیاری هه‌واڵگیری ورد له‌باره‌ی بوونی ژماره‌یه‌ك تیرۆریست له ناوچه‌ی جه‌لامی قه‌زای سامه‌ڕا له كێڵگه‌یه‌كی په‌له‌وه‌ردا، سه‌ربازانی سوپای عیراق جوڵه‌یان ده‌ستپێكرد و له سێ قۆڵه‌وه شوێنه‌كه‌یان گه‌مارۆدا و دواتر رووبه‌ڕووبوونه‌وه روویدا له ئه‌نجامدا دوو تیرۆریستی رێكخراوی داعش ده‌ستگیركران كه چه‌ك و بۆمبی چێنراویان پێبوو، ئاماده‌كرابوون بۆ ته‌قاندنه‌وه به یه‌كه سه‌ربازییه‌كاندا".
