جێگری سەرۆكی پەڕلەمانی عیراق داوای ڕێككەوتنی پارتی و یەكێتی دەكات

جێگری ‬‬سەرۆكی ‬پەڕلەمانی عیراق، ڕایگەیاند “ئەمڕۆ بارودۆخی سیاسیی هەرێمی كورستان پێویستی بەقوربانی دان و یەكڕیزیه، پێویستی بەوە هەیە هەموو لایەنەكان بەتایبەتی یەكێتی و پارتی‌ سەقفی داواكاریەیكانی خۆیان كەم بكەنەوە بۆ ئەوەی ڕێكبكەون”.

بەپێی ڕاگەیەندراوێكی نووسینگەی بەشیر ‬‬حەداد جێگری سەرۆكی پەڕلەمانی عێراق، ناوبراو له گوتاری هەینیدا باسیشی لە یادی ڕاپەڕینە مەزنەكەی بەهاری ساڵی 1991ی گەلی كورد دژی ڕژێمی بەعس كردووە و ڕایگەیاندووە “پێویستە هەمووكاتێك سود و پەند و وانە لەم ڕووداوانه وەربگرین كەبەسەر میللەتەكەماندا هاتووە”.

ڕاشیگەیاند “ڕاپەڕین شانازیێكی گەورەیە بۆ گەلی كوردستان و ئەم هەرێمە، ئەم راپەڕینە یەكەم جار بەفەزڵ و گەورەیی خوا‌ پاشان بەیەكڕیزی مللەتەكەمان ئەنجام درا”