سەرۆكی فراكسیۆنی یەكگرتووی ئیسلامی كوردستان لەپەرلەمانی كوردستان روونكردنەوە لەسەر دیبەیتە هەڵوەشاوەكەی هەڵەبجە دەدات‌و ئاشكرای دەكات، دوو رۆژە هەرچی پارەیە لەماڵی مندا نییەو پارەی بەنزینی ئۆتۆمبیلەكەشم لە شۆفێرەكەم قەرز كرد تا بچمە هەڵەبجەئەبوبەكر هەڵەدنی سەرۆكی فراكسیۆنی یەكگرتووی ئیسلامی لەپەرلەمانی كوردستان رونكردنەوەیەكی بڵاوكردەوەو لەژێر ناوی (ئەوەی لەدیبەیتەكەی هەڵەبجە روویدا) دەڵێت، ئێمە لەلایەن رێكخراوەكانەوە داوەت كرابوین كە وتیان با سەرۆكی پێنج فراكسیۆنەكە لە دیبەیتەكەی پارێزگای هەڵەبجە ئامادەبن، لەوێ زانیمان دیبەیتەكە سەری نەگرتوە، بەندەش لەگەڵ خاتوو رێزان و مامۆستا هەورامان راوێژمان كردو بڕیارماندا كە هەرسێكمان بچینە سەر مەنەسەو گلەیی لەحزبەكان بكەین كە دەبوایە پارتی لەئاستی مەكتەبی سیاسی ئامادەبوایەو حزبەكانی تریش ئەو بابەتەیان نەكردایەتە گرفت.
