لوقمان غه‌ریب هونه‌رمه‌ند و کادری پارتی، داوا له بارزانی ده‌کات، له چوارچێوه‌ی ئه‌و پڕۆسه چاکسازییه‌ی باسی ده‌کات، لێپرسینه‌وه له سه‌رۆ قادر بکات که "له ماوەى پارتى بوونيدا دهيان مليۆن دۆلارى به‌هه‌ده‌رداوه".
لوقمان غه‌ریب، ده‌رهێنه‌ر و سیناریست، که هونه‌رمه‌ندێکی دیاره‌و سه‌ر به پارتی دیموکراتی کوردستانه، له ئه‌کاونتی تایبه‌تی خۆی له تۆڕی کۆمه‌ڵایه‌تی فه‌یسبوک، نامه‌یه‌ک ئاڕاسته‌ی مه‌سعود بارزانی ده‌کات و داوای لێده‌کات هه‌نگاوه‌کانی چاکسازی به‌رچاو و به کرداربن.
ئه‌و هونه‌رمه‌نده، ته‌واوی په‌یامه‌که‌ی، ته‌رخانه بۆ خسنه‌ڕوی گه‌نده‌ڵی سه‌رۆ قادر به‌رپرسی پێشوی مه‌کته‌بی ڕاگه‌یاندنی پارتی و کادری دیاری ئه‌و حزبه و ده‌ڵێت:"سەرۆ قادر، پێشتر كه به حساب (كادرى) حيزبى شيوعى عيراق بوو، پاشان بووه كادرى پێشکەوتووی پارتی، ناوبراو له ماوەى پارتى بوونيدا ده يان مليۆن دۆلارى بەهەدەردا و دەیان ملیۆن دۆلاری تریشی به ڕێگاى جۆراوجۆرو له ڕێی كەسوكارييەوه کۆكردەوه و له كۆيلەیەکی ڕەش و ڕووتەوە بووه سەرمايه دارێكى له خۆبايى لووت به‌رز".
غه‌ریب، هه‌ر له‌و نامه‌یه‌یدا بۆ بارزانی، قسه‌ی زیاتر له‌باره‌ی گه‌نده‌ڵی سه‌رۆ قادره‌وه ده‌کات و ده‌نوسێت:"جەواد قادرى براى، پتر له يەك مليارد 1000000000 دينارى ڕۆژنامەی ( هەولێر ) برد و هه ڵهات و كه سيش لێى نەپرسییەوە، ئەمڕۆش لە قیرانی دارايى و نەهامەتى و قوناغى ڕاگوزەردا بەرەو سه ربەخۆيى كوردستان....( شەمام قادر)ى براى له هه ندەران هاتووەتەوه و بەسەدان هەزار دۆلارى بۆ ته رخان كراوه و ئوتيل و خزمه تگوزاريى هەمەچەشنه!! بۆچی ؟؟ گوايه فلم و سينەما بو كوردستان دروست دەكات له كاتيكدا ئه م كەسەش تاوانباره به دزينى سه دان هه زار دۆلاری تەلەفزيۆنى زاگرۆس".
ئه‌و هونه‌رمه‌نده، که ده‌رهێنه‌ری هه‌ردوو زنجیره درامای نامه‌کانی ئه‌شره‌ف و درامای ریحانه‌یه که له‌سه‌ر شاشه‌ی کوردستان تیڤیه‌وه په‌خشکران، ڕوو له بارزانی ده‌ڵێت:"جێى خۆیەتى بپرسين كه كوا چاكسازى جەنابتان بو سزادانى جەرده و فريودەران و مشەخوران و ئەوانەى زيانيان له سودييان بۆ هەنگاوەكانى ئيوه زياتره ؟؟ كوا لێپرسينەوه له مشەخۆران و ئه وانه ى ئەيانەويت له پە ناى پەيام و نيازى مێژوویی ئيوه دا ده ستى چەورى خۆیان بلێسنەوه ... كوا چاکسازی و لێپرسینەوه و سنووردانانتان بۆ ئەوانه له زورفيكدا له باتى دۆست!! دوژمن بوو پەیامەكەی ئيوه زور ده کەن كه زەرفيكى ناسك و هه ستيار و سه رده مى برسێتی و نەهامەتی و قبوڵكردنى هه موو شتێکە له پێناو سەربەخويى كوردستاندا ؟؟؟؟ كوا لێپرسینەوەتان ؟كوا هەنگاوی عەمەليتان له ناو حيزب تا بروات بەرەو حکومەت ؟"
.jpg)
