ئاسایشی سلێمانی رادەگەیەنێت، زنجیرە پلانێكی هاوبەش لەنێوان لاهور شێخ جەنگی و ئەژی ئەمین بۆ تێكدانی سەقامگیریی سلێمانی هەبووە.
ئەمڕۆ چوارشەممە 27ی ئابی 2025 ئاسایشی سلێمانی راگەیەندراوێكی لەسەر رووداوەكەی هۆتێل لالەزار بڵاوكردەوە كە تیایدا ئاماژە بەوەكراوە:" ئامانجی پلانەكە دروستكردنی ئاژاوە و پشێوی و بە ئامانجگرتنی كەسایەتی ئەمنی، سیاسی و كارمەندی حكومی بووە."
وەك لەراگەیەندراوەكەدا هاتووە:" دادگا فەرمانی دەستگیركردنی بۆ ژمارەیەك كەس دەركردووە كە گومان دەكرێت دەستیان هەبووبێت لە سەرپەرشتی و رێكخستنی هەوڵەكان."
ئاماژە بەوەشكراوە، یەكێك لە فەرمانەكان بۆ دەستگیركردنی لاهور شێخ جەنگی بوو.
