دوای ئەوەی شەوی ڕابردوو پرۆژە یاسای بودجەی گشتی عێراق بۆ ساڵی 2015 بە هەموو مادەكانییەوە پەسەندكرا، لە ئێستادا بۆ ناردنی بەشە بودجەی هەرێم، دوو قۆناغ ماوە كەپێویستە بودجەكە بیبڕێت.
سامان عەبدوڵا، وەزیری دەوڵەت لەحكومەتی عێراقی لەسەر فراكسیۆنی كۆمەڵ ڕایگەیاند: دوای ئەوەی بودجەی گشتی عێراق پەسەندكرا، پرۆژە یاساكە ڕەوانەی لای سەرۆك كۆمار دەكرێت و واژوی لەسەر دەكات و لە ڕۆژنامەی وڵات بڵاودەكرێتەوە.
هەروەها وتی "هەموو ئەمانە پێویستیان بە 10 ڕۆژ دەبێت، ئەوكات بەغداد پارەی هەرێم دەنێرێت، بەڵام لە %17ی بودجەی هەرێم نانێرێت، بەڵكو بە مانگ مانگ دەینێرێت، چونكە عێراق لە قەیرانی دارایدا، ناتوانێت تەواوی پارەی هەرێم كە لە %17 هەمووی بنێرێت".
ڕوونیكردەوە: بۆ ئەوەی هەرێم تووشی كێشە نەبێت، دەبێت پابەندی ڕێككەوتنەكەی نێوانیان بن، كە لە پرۆژە یاسای بودجە دەنگی لەسەر درا، ئەویش ناردنی 250 هەزار بەرمیل نەوتی هەرێمە لە رۆژێكدا و 300 هەزاری بەرمیل نەوتی كەركوكە.
