نیوه‌ڕۆی ئه‌مڕۆ هێزه‌كانی پێشمه‌رگه توانیان له‌به‌نداوی موسڵ بپه‌ڕنه‌وه‌و هه‌ردوو گوندی سه‌هلج و عه‌ین مانع له باشوری خۆرهه‌ڵاتی به‌نداوه‌كه رزگاربكه‌ن . سه‌رچاوه‌یه‌كی ئاگادار به‌خه‌ندانی راگه‌یاند، "كاتژمێر یه‌كی نیوه‌ڕۆی ئه‌مڕۆ هێزه‌كانی پێشمه‌رگه له‌به‌نداوی موسڵ په‌ڕینه‌وه‌و چه‌ند ناوچه‌یه‌كیان كۆنترۆڵكرده‌وه"، وتیشی: پێشمه‌رگه له پێشڕه‌ویدان دوای رزگاركردنی هه‌ردوو گوندی سه‌هلج و عه‌ین مانع له باشوری خۆرهه‌ڵاتی به‌نداوه‌كه .
به‌وته‌ی سه‌رچاوه‌كه، " هه‌ڵمه‌تی هێزه‌كانی پێشمه‌رگه له‌كاتی رزگاركردنی ئه‌و ناوچه‌یه به‌پشتیوانیی فڕۆكه جه‌نگیه‌كانی ئه‌مریكابوو"، ده‌شڵێت پرۆسه‌كه به‌رده‌وامه و هێزه‌كانی پێشمه‌رگه‌ش به ئاراسته‌ی ناحیه‌ی زومار به‌ڕێده‌كه‌ون ".
