به‌پێی راگه‌یاندراوێكی سه‌رۆكایه‌تی هه‌رێمی كوردستان، له په‌یوه‌ندییه‌كی ته‌له‌فۆنی، سێباستیان كۆرس وەزیری دەرەوەی نەمسا له‌گه‌ڵ مه‌سعود بارزانی، هاوخه‌می و پشتیوانی خۆی بۆ خه‌ڵكی كوردستان ده‌ربڕیوه و ده‌ڵێت: "جێگەی شانازییە كە بە نوێنەرایەتیی جیهانی ئازاد كوردستان شەڕ لە دژی تیرۆر دەكات".وه‌زیری ده‌ره‌وه‌ی نه‌مسا له په‌یوه‌ندییه ته‌له‌فۆنییه‌كه‌یدا هه‌روه‌ها وتویه‌تی: "پشتئەستوورین بە ئیرادەی پێشمەرگە و هیمەتی گەلی كوردستان كە هەموو پێكهاتەكانی كوردستان و پەنابەر و ئاوارەكان دەپارێزین و لە شەڕی دژی تیرۆریستان سەردەكەوین".
وەزیری دەرەوەی نەمسا پاڵپشتیی وڵاتەكەی بۆ گەلی كوردستان دووپاتكردوەته‌وه و ڕایگەیاندوه كه ڕۆژی هەینی كۆبوونەوەی وڵاتانی ئەندام لە یەكێتیی ئەورووپایە و ویستویەتی بەر لە بەشداریكردنی كۆبوونەوەكە لەڕێی پەیوەندیكردن بە بارزانییه‌وه ئاگاداری بارودۆخی كوردستان بێت بۆ ئەوەی بتوانن لەگەڵ وڵاتانی ئەورووپا لەسەر چۆنییەتی هاوكاری و پاڵپشتیكردنی كوردستان ڕێكبكەون
