فه‌رمانده‌ی فه‌وجی دوی ژنانی هێزی پێشمه‌رگه‌ی كوردستان ئاماژه‌ی به‌وه‌كرد، له‌زۆربه‌ی ناوچه‌كانی كوردستان، هێزیان هه‌یه‌‌و پێشمه‌رگه‌ی ئافره‌ت له‌ئاماده‌باشیدان.عه‌قید (ناهیده ئه‌حمه‌د) ڕاگه‌یاند، له‌ئێستادا هێزی پێشمه‌رگه‌ی ژنان له‌سنوری قه‌زای داقوقدان له‌پارێزگای كه‌ركوك، پێشتریش هێزه‌كانیان له‌سنوره‌كانی ناحیه‌كانی (تازه‌‌و مه‌لا عه‌بدوڵڵا) بوه له‌باشوری كه‌ركوك.
عه‌قید ناهیده هێمای به‌وه‌شكرد، له‌ناو شاری سلێمانیشدا ئه‌ركی پاراستنی ئه‌منیه‌تی چه‌ند ناوچه‌یه‌ك به‌هێزی پێشمه‌رگه‌ی ژنان سپێردراوه، وتیشی:"چه‌ندین ئافره‌ت له‌خوێندكار‌و مامۆستا‌و پارێزه‌ر‌و ژنی ماڵه‌وه، له‌چینه جیاجیاكانی هه‌رێمی كوردستان، په‌یوه‌ندییان پێوه‌كردوین‌و پێیان ڕاگه‌یاندوین، ئاماده‌ن به‌هه‌موو شێوه‌یه‌ك له‌ڕیزی هێزه‌كانی پێشمه‌رگه‌ی ژناندا ببنه پێشمه‌رگه".
فه‌رمانده‌ی فه‌وجی دوی ژنانی هێزی پێشمه‌رگه‌ی كوردستان، داوای له‌هاوڵاتیانی هه‌رێمی كوردستان كرد، وره‌یان به‌رز بێت، چونكه پڕوپاگه‌نده‌ی چه‌كدارانی گروپی تیرۆرستی داعش، ناتوانێت وره‌ی پێشمه‌رگه بڕوخێنێت، وتیشی:"خۆزگه له‌ئێستادا له‌سنوری هه‌ولێر ده‌بوین، بۆ ئه‌وه‌ی وه‌ك هێزی پێشمه‌رگه‌ی ژنان، دژی چه‌كدارانی داعش شه‌ڕمان بكردایه".
.jpg)
