هێزه‌كانی پێشمه‌رگه‌و گه‌ریلا ناو قه‌زای مه‌خموریان له چه‌كدارانی داعش پاككردوه‌ته‌وه‌و گورزێكی كوشنده‌یان له چه‌كدارانی داعش وه‌شاندوه.له ئێستاشدا (س11:20 خوله‌ك) چه‌ند ئۆتۆمۆبێلێكی هه‌مه‌ری چه‌كدارانی داعش له‌ناو قه‌زاكه جێماون و چاوه‌ڕێی فڕۆكه ئه‌مه‌ریكیه‌كان ده‌كرێت تا تێكبشكێندرێن.
به‌پێی دوا زانیاریه‌كان، 7 چه‌كداری داعش ئه‌مشه‌و له‌لایه‌ن هێزی پێشمه‌رگه‌وه له‌ناو شاری مه‌خمور ده‌ستگیركراون.
نزیكه‌ی 1:30 خوله‌ك له‌مه‌وبه‌ر سه‌رچاوه‌یه‌كی هێزه‌كانی پێشمه‌رگه له‌ناو قه‌زای مه‌خمور به (سبه‌ی) راگه‌یاند: له مه‌خمور داعش گورزێكی كوشنده‌ی خواردوه به ده‌ستی هێزه‌كانی پێشمه‌رگه‌و گه‌ریلاو ژماره‌یه‌كی زۆریان لێ كوژراوه.
به وته‌ی سه‌رچاوه‌كه، هێزه‌كانی پێشمه‌رگه‌و گه‌ریلا له پێشڕه‌ویدان.
.jpg)
