كه‌مێك پيش ئيستا له‌شه‌قامى مه‌نسوريه‌وه له‌شارى به‌غدادى پايته‌خت هه‌رسێ په‌رله‌مانتارئەحمەدی حاجی رەشید، سەرکەوت شەمس ،هۆشیار عەبدوڵا، هه‌ريه‌كه‌يان له‌فراكسيۆنيكى جياواز په‌يامێكى هاوبه‌شيان ئاراسته‌ى هاونیشتیمانیانى هەرێم كرد و ده‌ڵێن:
ده‌قى وتاره‌هاوبه‌شه‌كه‌يان بۆوڵات نيردراوه..
چی ئێمەی کۆکردۆتەوە؟!
ئێمە؛دەمانەوێت داهاتی نەوت بۆ خۆشگوزەرانی ژیانی ئێستای خەڵک،بۆ بونیادنانی ئایندەی نیشتیمانەکەمان بەکاربهێنرێت.
ئەوەی ئێمەی کۆکردۆتەوە ئەوەیە؛بەقوڵی هەست بە مەترسیەکانی ئێستا و ئایندەی قۆرغکاری نەوت دەکەین لەسەر ئایندەی هەرێمەکەمان.
ئیدارەدانی نەوت بەمجۆرەی ئێستا ، هەرێمی داوەتە دەست شکستێکی گەورەی کارگێری ، سیاسیی و کۆمەڵایەتی و دەبێ بوەستێنرێت !
هەتا نەوت لە داهاتی حزب و شەخصەوە لە بازرگانی گروپ و تاقمەوە نەکەین بە پرۆسە و داهاتی نیشتیمانیی ناتوانین برۆین بەرەو سەربەخۆیی نیشتیمانیی.
سەربەخۆیی ئابوری پایەی هەرە سەرەکی سەربەخۆیی نیشتیمانیە.کە ئێستا بەهۆی هەڵە ئیدارەدان و تاڵانی نەوتەوە ئەوەی پێیبگوترێت سەربەخۆیی ئابوری نیمانە،بەڵکو غەرقبون لە قەرز و رۆچون لە پاشکۆیەتی ئابوریی بەسەر خۆمان و نەوەکانماندا سەپاوە.
پرۆسەی دەرهێنان و فرۆشتنی نەوت بەم شێوەیەی ئێستا هەرێمەکەمانیی قەرزارکردوە لە بەرامبەریشدا گروپێکی کردۆتە ملیاردێری دۆلار !
ئەوەی کۆیکردوینەتەوە ئامانجێکی نیشتیمانی باڵایە کە ئەرکی سەرشانمانە،نە منەتی تێدایە و نە پێفرۆشتنەوە.
تۆش هاونیشتیمانی بەرێزی ئەم هەرێمە ، لە هەر حزب و سەر بە هەر رەنگ و بۆچونێکی ؛ لەبری ئەوەی جنێومان پێ بدەیت و تۆمەتمان بدەیتە پاڵ و سەنگەرمان لێبگریت، هاوکارمانبە لەم ئەرکەدا . چونکە ئەم شەڕەی ئێمە لەگەڵ مافیاکانی نەوت لە پێناو ئایندەی مناڵ و نەوەکانی تۆشدایە .
گەلی ئێمە سەدان ساڵە بۆ ئەوە خەباتی نەکردوە،گروپێک هەمو پرسە ڕەواکەی لە نەوتدا بچوک بکەنەوە و داهاتەکەشی تاڵان بکەن!
ئەحمەدی حاجی رەشید
سەرکەوت شەمس
هۆشیار عەبدوڵا
بەغداد
شەقامی مەنصور
.jpg)
