بڕیارێکی نوێ لەبارەی موچە خۆرانەوە

دوای هەڵوەشاندنەوەی بڕیاری پاشەكەوتی مووچە، ئەو فەرمانبەرانەی مۆڵەتی بێ‌ مووچەیان وەرگرتووە، سەرپشكن بۆ هەڵوەشاندنەوەی مۆڵەتەكانیان.

سەرچاوەیەك لە وەزارەتی دارایی و ئابوری حكومەتی هەرێم ئاشکرای کردووە: دوابەدوای هەڵوەشاندنەوەی بڕیاری سیستمی پاشەكەوتی مووچە، ئەو فەرمانبەرانەی مۆڵەتی بێ‌ مووچەیان وەرگرتووە، دەتوانن پێش كۆتایی مۆڵەتەكەیان، بگەڕێنەوە سەركارەكانیان و مۆڵەتەكەیان بپچڕێنن.

سەرچاوەیەكیش لە وەزارەتی پەروەردە ئاشكرای كردووە، بڕیارەكە تەنها مامۆستایان ناگرێتەوە لە ئێستادا، چونكە بەپێی رێنمایی، لە وەزری دووەمی ساڵی خوێندندا، بەهیچ شێوەیەك مۆڵەتەكانی (دایكایەتی و بێ موچە) هەڵناوەشێتەوە.

وتیشی، بۆ دابەشكردنی مووچەی مانگی یەكی 2019، لە چاوەڕوانی بەغدادن ،هەركات بەغداد پارەی ڕەوانە كرد راستەوخۆ دەست دەكرێت بە دابەشكردنەوەی مووچە، وتیشی بەڵام تا ئێستا وادەی ڕەوانەكردنی پارەكە دیاری نەكراوە.