هەردوو حکوومەتی هەرێمی کوردستان و عێراق رێککەوتنێکی لێکتێگەیشتن واژۆ دەکەن.
دەرباز محەمەد، وەزیری کۆچ و کۆچبەرانی عێراق لەپشکی بزوتنەوەی گۆڕان رایگەیاند"کە ئەو بە ناوی حکوومەتی عێراق رێککەوتنەکەی لەگەڵ کەریم سنجاری، وەزیری ناوخۆی حکوومەتی هەرێمی کوردستان واژۆ کردووە".
باسی لەوەیشکرد"رێککەوتنەکە بۆ لەخۆگرتن و پەنادانی ئاوارەکانی مووسڵە، کە بەهۆی ئۆپەراسیۆنی رزگار کردنەوەی شارەکە، چاوەڕێ دەکرێ ئاوارەی هەرێمی کوردستان بن".
بەهۆی شەڕی تائیفی نێوان پێکهاتەی سوننە و شیعە و داگیرکاریی رێکخراوی توندڕەوی داعشەوە لە عێراق و شەڕی ناوخۆیی سووریاوە، نزیکەی 1.8 ملیۆن ئاوارە روویان لە هەرێمی کوردستان کردووە.
چەکدارانی داعش لە مانگی حوزەیرانی 2014، دوای هەرەس پێهێنانی سوپا و هێزە ئەمنییەکانی عێراق، شاری مووسڵ و زۆربەی ناوچەکانی پارێزگاکانی نەینەوا، دیالە، سەڵاحەدین و ئەنباریان داگیر کرد.
