بەڕێوەبەرایەتی ئاسایشی ڕاپەڕین لەدووچالاکیدا، سێ بازرگانی ماددەی هۆشبەر دەستگیر دەکات و دەستبەسەر بڕی 12 کیلۆ گرام کریستاڵدا دەگرێت.
بەڕێوەبەرایەتی ئاسایشی ڕاپەڕین ،لە راگەیەندراوێکیدا کە کۆپییەکی بۆ PUKMEDIA نێردراوە، ئاشکرای دەکات:" لەڕۆژانی 7 و 8 ی5ی 2025 بەڕێوەبەرایەتی ئاسایشی ڕاپەڕین، دوای کۆکردنەوەی زانیاری و بەدواداچوونی وورد، لەسەر فەرمانی دادوەری لێکۆڵینەوەی ئاسایش، توانیان ڕێگری لەگواستنەوەی بڕی12 کیلۆگرام ماددەی هۆشبەر لەجۆری کریستاڵ بکەن، کە بازرگانان بەنیازبوون ماددە هۆشبەرەکە بگوازنەوە بۆ شارەکانی هەرێم".
ئاماژەی بەوەشکردووە:" لەئێستادا تۆمەتباران بەبڕیاری دادوەر و بەماددەی 26 لەیاسای بەرەنگاربوونەوەی ماددە هۆشبەرەکان و کارتێکارە ئەقڵییەکان ڕاگیراون و لێکۆڵینەوە لەدۆسیەکانیاندا بەردەوامە".
