كوردانی رۆژئاوا و هاوپەیمانەكانیان ڕێكەوتوون مانگی داهاتوو دەستورێك بۆ بنیادنانی سیستەمی فیدڕاڵی لە رۆژئاوای كوردستان بنوسنەوە.
هەدیە یوسف بەڕێوبەری ئەنجومەنی فیدڕاڵی لە ڕۆژئاوا لە چاوپێكەوتنێكدا ڕایگەیاندووە " بڕیارمانداوە لە سەرەتای دەستپێكردنی مانگی تشرینی یەكەمدا ئەنجومەنی سیستەمی فیدڕاڵی كۆببێتەوە و سیستەمەكەمان لە باكوری سوریا ڕابگەیەنین".
وتیشی" لەم پڕۆژەیەمان ناكشێینەوە بە پێچەوانەوە كار بۆ جێبەجێكردنی دەدەین و دەستوەردانی توركیا لە خاكی سوریادا نابێتە ڕێگر لەبەردەمان".
سەبارەت بە هێرشەكانی توركیا ناوبراو ڕایگەیاندووە " بە دڵنیایەوە وەڵامی هەر هێڕشێكی توركیا دەدەینەوە كە لە دژی هێزەكانمان ئەنجامی بدەن".
ئاماژەی بەوەشكرد " چاوەڕێمدەكرد شاری منبج بەشێكبێت لەو سیستەمە فیدرالیە بەڵام ئەو هێزە ئۆپۆزسیۆنانەی لەلایەن توركیاوە پشتیوانیدەكرێت بە شاری خۆیانی دادەنێن، بەڵام بە تێڕوانینی ئێمە، خەڵكی منبج هیواخوازن ببنە بەشێك لەو سیستەمی فیدڕالیە و بڕوام وایە دەكەوێتە سنورەكانمانەوە".
هەروەها وتیشی" گروپە كوردیەكان و هاوپەیمانەكانی لە هەوڵی بەیەكەوەبەستنی كانتۆنەكاندان بەیەكترەوە و لەو هەوڵانەمان ناكشێینەوە".
