تەركیزكردنی پارتیو سەركردەكانی لەسەر دۆزینەوەی رێگاچارەیەك بۆ درێژكردنەوەی ویلایەتە بەكۆتاهاتوەكەی مەسعود بارزانی توشی جۆرێك سەرلێشێواوی كردون لەهەڵویستە سیاسیەكانیان ومامەلەكردنیان لەگەڵ بارودۆخەكە..تەنانەت تێكچونی ئەم تەوازونەشیان كاریكردۆتە سەر پەیوەندیەكانیان لەگەل لایەنە سیاسیەكانی هەرێم،خۆشیان نازانن بۆچی ئەم هەمو هەڵە گەورەو زەقانە ئەكەن لەهەلوێستە سیاسیەكانیاندا. قەیرانەكانی ئەمدواییانەی هەرێمیش لەولاوە خەرێكە هەرەشە لەبونیادی دەسەڵاتی ئەم حیزبە ئەكاتو، بێزاری خەڵكیش بەتایبەتی گەنجان گەشتۆتە ترۆپكەوە لەدژی سیاسەتە سەرلێشواوەكانی پارتیو شكستەكانی حكومەتەكەی.
گوێبگرن بزانن سكرتێری مەكتەبی سیاسیەكەیان ئەڵێ چی:
لا حەولە وەلا قووەتە ئیلا بیلا..پشتگیریكردنی پارتێكی كوردستانی لەلایەن پارتێكی نەتەوەییەوە بوەتە هەڕەشە لەسەر ئەمنی قەومی كوردستان.؟ ئەی خودی مەسعود بارزانی نەبو كە قۆلی شڤان پەروەری گرتو بردیە ئامەد بۆ پرۆپاگندەكردن بۆ ئەردۆغانی دوژمنی كوردو حزبەكەی؟..ئەی بۆچی هەڵوێستی یەكێتی وگۆڕانو بەشداری كردنی پەرلەمانتارەكانیان بەتەدەخول لەكاروباری توركیادا حسێب نەكرا؟.
برادەرێكیتری پارتی ئەنوسێت”كوردستان ئێستا لەقۆناغی گواستنەوەدایە،پەرینەوە لەهەرێمی كوردستانی عیراق بەرەو كۆماری كوردستان،بەڵام ئەگەر سەرۆكایەتی هەرێمی كوردستان ئەوەبوایە كە لەپرۆژەكەی گۆڕاندا هاتوە، یان ئاوای لێبێت،دڵنیام هیچ حزبێكی كوردستان،زۆریشیان لێ بكەی، ئامادنین سەرۆكایەتی حزبەكانیان بكەنە سەرۆكی هەرێم”؟
ئەم دو دێرەی چەندین درۆی شاخداری تیاكراوە كە مەبەست چەواشەكردنی میللەتو گەوجاندنیەتی وەكچۆن گەوجاندنی ئەندامو كادیرانی پارتی.
– كوردستان لەقۆناغی گواستنەوەدا نیە،چونگە ئەوە 23 ساڵە واتە روبعە قەرنیكە حكومەتو پەرلەمانی هەیەو ئەبوایە ئێستا جێگیرترین و پیشكەوتوترین سیستەمی سیاسی ناوچەكە بوایە، بەتایبەت ئەوە دە ساڵە بەقەدەر بودجەی چوار وڵاتی ناوچەكە بودجەی ساڵانەی هەیە، بەڵام هەمومان ئەزانین پارەكە چۆن دزراوەو ئیداركەشمان چ شكستیكی ئابڕوبەرانەی توشهاتوە لەژێر سایەی حوكمی پارتدا.
-پەڕینەوە هەریمی كوردستان بەرەو كۆماری كوردستان تەنها دروشمێكی فشۆڵی چەواشەكارانەی سەرانی پارتیەو هەر كاتیك ئیشیان بەمیللەت هەبێت یا بكەونە قەیرانێكەوە ئەم قەوانە سواوە دوبارە ئەكەنەوە بەمەبەستی راكێشانی هەستو سۆزی میللەت، ئەوان ئیستا جورئەتی ئەوە ناكەن نەوتەكەیان بفرۆشن و قوتی خەڵكی پێ دابین بكەن، سەركردەكانیان لەهەمو مەحفەلێكا ئامادەیی خۆیان نیشانداوە بەپابەندبون بە رێكەوتنیان لەگەڵ بەغدا، نوشوستیە بۆ ئەوان باسی كۆماری كوردستان بكەن.
– سەبارەت بەمەسەلەی درێژكردنەوەی ماوەی سەرۆكایەتی مەسعود بارزانی،خۆ ئەندام پەرلەمانەكانی پارتی خۆیان كاتی خۆی رازی بوونە بەوەی هەم لەیاسای سەرۆكایەتی هەرێم دەنگیان بەوە داوە كە ماوەی سەرۆكایەتی تەنها دو خولی چوار ساڵی بێت، لەیاسا پەرلەمانیەكەشدا كە دوساڵی بێ موقابیلی بۆ درێژكرایەوە لەویش ئەندام پەرلەمانەكانی پارتی ئیمزایان لەسەر ئەو دەقە كردوە كە دەڵی ئەو درێژكردنەوەیە بۆ یەكجارەو نابێت جارێكیتر درێژ بكرێتەوە، كەواتە خودی ئەندام پەرلەمانەكانی پارتی كە هەمیشە زۆرینە بوونە لەخولەكانی پەرلەماندا رازی نەبونە ماوەی سەرۆكایەتی لەدو خول و دوساڵی درێژكراو زیاتر بێت، خێرە ئێستا هەر خۆیان پەشیمان ئەبنەوەو ئەیانەوێ جارێكتیر مەسعود بارزانی بكەنەوە سەرۆكی هەرێم.
from Wllat Net http://ift.tt/1BwFJIc
via IFTTT
