به‌ره‌به‌یانى ئه‌مڕۆ هه‌یینى (30/1/2015)داعش هێرشێكى فراوان ده‌كاته سه‌ر میحوه‌رى مه‌لاعه‌بدوڵڵا، مریه‌م به‌گ و مه‌كته‌ب خالید له شارى كه‌ركووك، له‌م باره‌وه حوسێن یه‌زدان په‌نا، فه‌رمانده‌ى پێشمه‌رگه له قه‌ڵاى ڕۆژهه‌ڵات له شارى كه‌ركووك، به (باسنیوز)ى راگه‌یاند، داعش هه‌موو هه‌وڵه‌كانى ئه‌وه‌یه ده‌ستى بگاته ناوشارى كه‌ركووك، بۆیه بۆ ئه‌وه‌ى ئه‌و دیواره بشكێنن له ته‌لوه‌رد و مه‌لاعه‌بدوڵڵا هێرش ده‌كه‌نه سه‌ر ئه‌و میحوره، كه ئه‌مانه‌ش جۆرێكه له شه‌ڕى خۆ كوژى، چونكه داعش ئه‌مه نزیك كه‌وتنه‌وه‌یه‌تى له مه‌رگ. گوتى: “هێرشى ئه‌م شه‌وى داعش ئه‌وه بووه سودیان له كه‌ش و هه‌وا وه‌رگرتووه، چونكه له كه‌ركووك كه‌ش و هه‌وایه‌كى ناله‌بار هه‌یه، ئه‌وانیش ویستویانه به تانكه‌رى درع كراو هێرش بكه‌نه سه‌ر پێشمه‌رگه، به‌ڵام زیانێكى یه‌كجار گه‌وره‌یان به‌ركه‌وتووه”.
راشى گه‌یاند، داعش بۆ ئه‌م هێرشه خه‌ڵكانێكى زۆریان له حه‌ویجه و له‌ناوشارى موسڵه‌وه هێناوه، به‌ڵام ئه‌م جاره تاكتیكێكى هه‌رێمى له ده‌ره‌وه‌ى به‌غدادى هه‌یه بۆ داگیركردنى كه‌ركووك.
