له گه‌ڕه‌كێكی شاری كه‌ركوك گه‌نجێك له ماڵه‌كه‌ی خۆیاندا به چه‌ك خۆی ده‌كوژێت و كۆتایی به ژیانی خۆی هێنا، سه‌رچاوه‌یه‌كی ئاگاداریش رایده‌گه‌یه‌نێت، كه به چه‌كه‌كه‌ی باوكی خۆی كوشتووه.
سه‌رچاوه‌یه‌كی ئاگادار رایگه‌یاند: له دره‌نگانی شه‌وی رابردوو له گه‌ڕه‌كی ره‌حیماوای شاری كه‌ركوك گه‌نجێك له ماڵه‌كه‌ی خۆیاندا به چه‌كی كڵاشینكۆف دوو گوللـه ده‌نێت به خۆیه‌وه‌و ده‌ست به جێ گیان له ده‌ست ده‌دات و كۆتایی به ژیانی خۆی ده‌هێنێت.
وتیشی: "ئه‌و گه‌نجه ناوی (ئ. ت)ه و ته‌مه‌نی (17) ساڵه".
سه‌رچاوه ئاگاداره‌كه روونیشیكرده‌وه كه به وته‌ی خانه‌واده‌كه‌ی بێت باوكی ناوبراو كارمه‌ندێكی ده‌زگا ئه‌منییه‌كانه له دره‌نگانی شه‌وی رابردوو گه‌نجه‌كه له ژوورێكی ماڵه‌كه‌ی خۆیاندا دوو گوللـه به چه‌كه‌كه‌ی باوكی ده‌نێ به خۆیه‌وه‌و خۆی ده‌كوژێت.
وتیشی: "له ئێستادا روون نه‌بووه‌ته‌وه كه ئه‌و گه‌نجه هۆكاری خۆكوشتنه‌كه‌ی له سه‌ر چی بووه".
ئاماژه‌ی بۆ ئه‌وه‌شكرد كه هه‌رچه‌ند خانه‌واده‌ی گه‌نجه كوژراوه‌كه سكاڵایان له سه‌ر كه‌س نییه به‌لاَم له ئێستادا ته‌رمه‌كه‌ی ره‌وانه‌ی پزیشكی دادی كه‌ركوك كراوه به مه‌به‌ستی پشكنین و لێكۆَلًَینه‌وه‌ش ده‌ستی پێكردوه.
