چه‌كدارانی داعش ده‌ستیان كردووه به هه‌ڵكه‌ندنی خه‌نده‌ق بۆ به‌ستنه‌وه‌ی قه‌زای (البعاج) له رۆژئاوای موسڵ، به شاری (حه‌سه‌كه) ی سوریاوه.
محه‌مه‌د یاسین ئه‌ندامی ئه‌نجومه‌نی شاره‌وانی قه‌زای (البعاج) له رۆژئاوای موسڵ، به تۆڕی راگه‌یاندنی عێراقی راگه‌یاند "چه‌كدارانی داعش ده‌ستیان كردووه به هه‌ڵكه‌ندنی خه‌نده‌ق بۆ به‌ستنه‌وه‌ی قه‌زاكه به شاری حه‌سه‌كه‌ی سوریا".
هه‌روه‌ها وتی "ئامانجی چه‌كدارانی داعش له هه‌ڵكه‌ندنی خه‌نده‌قه‌كه، ره‌وانه‌كردنی چه‌كداره‌كانه بۆ سوریا".
هه‌ر له‌و چوارچێوه‌یه‌دا، تۆڕی راگه‌یاندنی عێراقی، له‌زاری ریسان مه‌رسومی ئه‌ندامی ئه‌نجومه‌نی هۆزه‌كانی موسڵه‌وه گواستیه‌وه "چه‌كدارانی داعش چوار قوتابخانه‌یان له (حی التأمیم) سوتاندووه".
