له چه‌ند رۆژی دواییدا ره‌خنه له ئایفۆن 6 پڵه‌س ده‌گیرێت به‌وه‌ی كه به‌بێ ئاگابوونی به‌كارهێنه‌ره‌كانیان به كه‌وتنه‌ژێر په‌ستانێكی ئاسایی له گیفانی به‌كارهێنه‌راندا ده‌چه‌مێته‌وه.
چه‌ندین به‌كارهێنه‌ر هه‌ستاون به بڵاوكردنه‌وه‌ی تۆماری ڤیدیۆیی چه‌مانه‌وه‌ی ئایفۆنه نوێیه‌كانیان له تۆڕه كۆمه‌ڵایه‌تیه‌كان و پێگه‌كانی ئینته‌رنێتدا ئه‌وه‌ش دوای ئه‌وه‌ی كه ئه‌و به‌كارهێنه‌رانه له دوای ماوه‌یه‌ك هه‌ستیان به‌وه كردووه كه ئایفۆنه‌كانیان له گیرفانیاندا چه‌میوه‌ته‌وه.
ئه‌م خاڵه لاوازه‌ی ئایفۆن 6 پڵه‌س ده‌بێته كێشه‌یه‌كی گه‌وره بۆ ئه‌و به‌كارهێنه‌رانه‌ی كه جلی ته‌سك به‌تایبه‌تیش له جۆری كابۆ له‌به‌رده‌كه‌ن كه ده‌بێته هۆی دروست بوونی په‌ستانێكی زۆر له‌سه‌ر ئایفۆنه‌كه‌و به‌و جۆره‌ش دوای ماوه‌یه‌ك خاوه‌نه‌كه‌ی هه‌ست ده‌كات كه شێوه‌ی ئایفۆنه‌كه‌ی وه‌ك خۆی نیه‌و چه‌ماوه‌ته‌وه.
ئایفۆن 6 پڵه‌س له به‌شی خواره‌وه‌ی دوگمه‌ی كه‌مكردنه‌وه‌ی ده‌نگ و شوێنی دانانی سیمكارت ده‌چه‌مێته‌وه‌و تا ئێستاش كۆمپانیای ئه‌پڵ هیچ لێدوانێكی له‌وباره‌یه‌وه نه‌داوه.
ئاماده‌كردنی: هزر كوردستانی
سه‌رچاوه: TechCrunch, VentureBeat, Business Insider
