هه‌رچه‌نده نزیکه‌ی 10 ساڵ به‌سه‌ر ئه‌و سه‌رکه‌وتنه‌دا تێپه‌ڕیووه، به‌ڵام هێشتا یانه‌ی لیڤه‌رپول خۆشییه‌کانی ئه‌و ساته‌ی بیر نه‌کردووه کاتێک له‌شاری ئیستانبوڵ و له‌یاریی کۆتایی خولی چامپیۆنزلیگدا به‌شێوه‌یه‌کی دراماتیکی له یانه‌ی ئه‌یسی میلانی برده‌وه‌و ئه‌م جاره به‌ده‌رهێنانی فیلمێک به ناوی "One Night in Istanbul" "یه‌ک شه‌و له ئیستانبوڵ" گوزارشت له‌و ده‌ستکه‌وته ده‌کات.
ده‌رهێنه‌ری فیلمه‌که "جه‌یمس مارقواند"ه‌و چه‌ند ئه‌ستێره‌یه‌کی دیاریی به‌ریتانی تیایدا به‌شدارییان کردووه له‌وانه "پۆل باربه‌ر و ستیڤن وادینگتۆن" و له‌یه‌کێک له گرته‌کاندا رۆبی فاوله‌ری ئه‌فسانه‌ی یانه‌ی لیڤه‌رپول ده‌رده‌که‌وێت.
جێی ئاماژه‌یه یاریی کۆتایی خولی چامپیۆنزلیگی 2005 به یه‌کێک له‌سه‌رنج ڕاکێشترین یارییه‌کانی میژووی خوله‌که داده‌نرێت و تیایدا لیڤه‌رپول دوای ئه‌وه‌ی له‌تایمی یه‌که‌مدا به سێ گۆڵی بێ وه‌ڵام دواکه‌وت، له‌تایمی دووه‌مه‌دا توانییان ئه‌نجامه‌که یه‌کسان بکه‌نه‌وه‌و له‌کۆتاییدا به‌لێدانی یه‌کلا که‌ره‌وه سه‌رکه‌وتنیان به‌ده‌ست هێناو ستیڤن جێرارد جامه‌که‌ی به‌رز کرده‌وه.
ترایله‌ری فیلمه‌که :
