كه‌مێك پێش ئێستا تیرۆرستانی داعش هێرشیانكرده سه‌ر هێزه‌كانی پێشمه‌رگه له‌دێی حسێنی له جه‌له‌ولا، به‌ڵام هێزه‌كانی پێشمه‌رگه به توندی لێیان هاتنه ده‌ست و له‌و ڕووبه‌ڕوبوونه‌وه‌یدا زیاتر له 10 چه‌كداری داعش كوژران و ژماره‌یه‌ك تیرۆرستیش برینداربوون و تائێستاش شه‌ڕوپێكدادان به‌رده‌وامه.سه‌رچاوه‌یه‌ك له هێزه‌كانی پێشمه‌رگه له جه‌له‌ولا رایگه‌یاند: كه‌مێك پێش ئێستا تیرۆرستانی داعش هێرشیانكرده سه‌ر هێزه‌كانی پێشمه‌رگه له‌دێی حسێنی له نزیك پردی جه‌له‌ولا، به‌ڵام هێزه‌كانی پێشمه‌رگه به توندی لێیان هاتنه ده‌ست و شكستیان به هێرشه‌كانی داعش هێنا.
ئه‌و سه‌رچاوه‌یه وتیشی: له‌و شه‌ڕوپێكدادانه‌دا هێزه‌كانی پێشمه‌رگه زیاتر له 10 تیرۆرستی داعشیان كوشت و ژماره‌یه‌كی زۆریشان برینداركردن، به‌ڵام خۆشبه‌خاته ههێزه‌كانی پێشمه‌رگه هیچ زیانێكی گیانیان به‌رنه‌كه‌وتووه‌و تائێستاش شه‌ڕوپێكدادان به‌رده‌وامه.
