سبه‌ی سالرۆژی شۆرشی رۆژئاوای كوردستانه‌

19ی ته‌مووزی 2012 و دووسال به‌ر له‌ئێستا له‌ رۆئاوای كوردستان گه‌لی كورد شۆرشی رزگاركردنی خاكی كوردستانی راگه‌یاند
شۆرشی كوردانی رۆژئاوا  له‌دوای چه‌ندین قه‌یران و روداو ده‌ستی پێكرد و دیارترینیان له‌چوارچێوه‌ی به‌هاری عه‌ره‌بیدابوو كه‌ ئۆپۆزیسیۆنی سوریا ده‌ستی پێكرد و كورده‌كانیش وه‌ك ده‌فه‌تێك هه‌له‌كه‌یان قۆسته‌وه‌و  و ناوچه‌ كورده‌كانیان رزگاركرد و پاكیان كرده‌وه‌ له‌  رژێمی به‌عس
هه‌لوێستی كورده‌كان له‌ به‌هاری عه‌ره‌بیدا له‌ سوریا جیاواز بوو كه‌ خۆیان كرده‌ ته‌ره‌فی سێهه‌م  و  لایه‌نگری هیچكام له‌ به‌شار ئه‌سه‌د و ئۆپۆزیسیۆنی نه‌كرد به‌م جۆره‌ش ئه‌ركی قورستربوو  وه‌ له‌گه‌ل هاتنی چه‌كدارانی داعش بۆ ناوچه‌كه‌ هێلێكی ته‌ماسی خویناوی تر توشی كورده‌كانی رۆژئاوا بوو به‌لام كورده‌كان به‌سیسته‌مێكی سه‌ركه‌وتوو نمونه‌ی توانیان شۆرش به‌رپابكه‌ن به‌ 3 قۆناغی خێراو یه‌ك له‌دوای یه‌ك به‌جۆرێك له‌قۆناغی یه‌كه‌مدا ناوچه‌ دووره‌ ده‌سته‌كانی  ناوچه‌ كوردیه‌كان وه‌ك گونده‌كان و ناحیه‌ بچوكه‌كانیان ئازاد كرد دواتر به‌شێوه‌یه‌كی لیزانانه‌ توانیان له‌قۆناغی دووه‌م باره‌ گا حوكمی و حیزبیه‌كانی حكومه‌تی به‌عس  كۆنترۆلبكه‌ن  هه‌ر له‌دوای ئه‌وه‌ش راسته‌وخۆ قۆناغی سێهه‌م  كه‌وته‌ بواری جێبه‌جێكردنه‌وه‌ كه‌ رزگاركردن و پاككردنه‌وه‌ی هه‌رێمه‌كانی خۆرئاوا به‌شێوه‌یه‌كی سه‌رتاسه‌ری
 له‌ئێستاشدا دوای دووسال كوردانی رۆژئاوا خاوه‌نی چه‌ند كانتۆنێكی خۆ به‌رێوه‌به‌رین و  له‌هه‌مانكاتیشدا كورده‌كان به‌شێوه‌یه‌كی سه‌خت روبه‌روی چه‌كدارانی داعش ده‌بنه‌وه‌
كوردانی رۆژئاوا ئه‌یانه‌وێت هه‌رێمێكی هاوشێوه‌ی هه‌رێمی كوردستان دابمه‌زرێنن و داوای پشتیوانی كوردانی باشور ده‌كه‌ن كه‌ ئه‌وان خاوه‌نی هه‌رێمیكی سه‌ربه‌خۆن

له‌ئێستاشدا په‌رله‌مانتارانی كوردستان له‌ژێر رۆشنای یاداشتێكی فراكسیۆنی یه‌كێتی نیشتیمانی كوردستان 68 ئیمزایان كۆكردۆته‌وه‌ بۆ پشتیوانی و به‌ره‌سمی ناساندنی هه‌رێمی رۆژئاوا