به‌ڕێوه‌به‌ری راگه‌یاندنی پۆلیسی هه‌ولێر رایده‌گه‌یه‌نێت، به‌ره‌به‌یانی ئه‌مڕۆ پێنجشه‌ممه له شاری هه‌ولێر باوكێك له خه‌ودا كوڕه‌كه‌ی خۆی به بلۆك ده‌كوژێت و دواتر خۆی راده‌ستی پۆلیس ده‌كات و دان به تاوانه‌كه‌یدا ده‌نێت.
رائید كاروان عه‌بدولكه‌ریم، به‌ڕێوه‌به‌ری راگه‌یاندنی پۆلیسی پارێزگای هه‌ولێر به خه‌ندانی راگه‌یاند: كاتژمێر پێنجی به‌ره‌به‌یانی ئه‌مڕۆ پێنجشه‌ممه، پۆلیس له رووداوێكی كوشتن ئاگادار كرانه‌وه، دوای ئه‌وه‌ی چوونه شوێنی رووداوه‌كه بینیان باوكێك كوڕه‌كه‌ی خۆی كوشتووه و دواتر خۆی راده‌ستی هێزه‌كانی پۆلیس كردوه.
ئەوەشی خستەڕوو: "ئه‌وه‌ی له وته‌كانی تۆمه‌تبار وه‌رگیراوه، كه باوكی كوڕه‌كه‌یه وتویه‌تی، كوڕه‌كه‌ی باش نه‌بووه له‌گه‌ڵیداو هه‌میشه كێشه‌ی بۆ درووست كردوه، ئه‌مه جگه له‌وه‌ی له زۆرێك له بنكه‌كانی پۆلیس دۆسیه‌ی هه‌بووه".
ئاماژەی بەوەشدا: "باوكه تۆمه‌تباره‌كه ئاماژه‌ی به‌وه‌داوه كه ماوه‌یه‌ك بووه له ده‌ستی كوڕه‌كه‌ی ماڵی جێهێشتووه‌و له‌ماڵی باوكی خۆی ژیاوه، ئێواره‌ی دوێنێ گه‌ڕاوه‌ته‌وه بۆ ماڵه‌وه، كاتێك شەو كوڕه‌كه‌ی گه‌ڕاوه‌ته‌وه خه‌ریك بووه له باوكی بدات و قسەی ناشرینی پێوتووە، بۆیه دوای ئه‌وه‌ی كوڕه‌كه‌ی خەوتووە، كاتژمێر پێنجی به‌یانی باوكه‌كه لە خەودا دوو بلۆكی له پشتی سه‌ری كوڕه‌كه‌ی داوه‌و كوشتوویه‌تی".
كاروان عه‌بدولكه‌ریم، وتیشی: "ئێستا باوكه‌كه به‌پێی ماده‌ی 406 له یاسای سزادانی عیراقی راگیراوه‌و له وته‌كانیشیدا ئاماژه‌ی به‌وه‌داوه كه هیچ له‌و كاره‌ی په‌شیمان نییه‌و زۆر ئاسووده‌یه".
رائید كاروان عه‌بدولكه‌ریم، به‌ڕێوه‌به‌ری راگه‌یاندنی پۆلیسی پارێزگای هه‌ولێر به خه‌ندانی راگه‌یاند: كاتژمێر پێنجی به‌ره‌به‌یانی ئه‌مڕۆ پێنجشه‌ممه، پۆلیس له رووداوێكی كوشتن ئاگادار كرانه‌وه، دوای ئه‌وه‌ی چوونه شوێنی رووداوه‌كه بینیان باوكێك كوڕه‌كه‌ی خۆی كوشتووه و دواتر خۆی راده‌ستی هێزه‌كانی پۆلیس كردوه.
ئەوەشی خستەڕوو: "ئه‌وه‌ی له وته‌كانی تۆمه‌تبار وه‌رگیراوه، كه باوكی كوڕه‌كه‌یه وتویه‌تی، كوڕه‌كه‌ی باش نه‌بووه له‌گه‌ڵیداو هه‌میشه كێشه‌ی بۆ درووست كردوه، ئه‌مه جگه له‌وه‌ی له زۆرێك له بنكه‌كانی پۆلیس دۆسیه‌ی هه‌بووه".
ئاماژەی بەوەشدا: "باوكه تۆمه‌تباره‌كه ئاماژه‌ی به‌وه‌داوه كه ماوه‌یه‌ك بووه له ده‌ستی كوڕه‌كه‌ی ماڵی جێهێشتووه‌و له‌ماڵی باوكی خۆی ژیاوه، ئێواره‌ی دوێنێ گه‌ڕاوه‌ته‌وه بۆ ماڵه‌وه، كاتێك شەو كوڕه‌كه‌ی گه‌ڕاوه‌ته‌وه خه‌ریك بووه له باوكی بدات و قسەی ناشرینی پێوتووە، بۆیه دوای ئه‌وه‌ی كوڕه‌كه‌ی خەوتووە، كاتژمێر پێنجی به‌یانی باوكه‌كه لە خەودا دوو بلۆكی له پشتی سه‌ری كوڕه‌كه‌ی داوه‌و كوشتوویه‌تی".
كاروان عه‌بدولكه‌ریم، وتیشی: "ئێستا باوكه‌كه به‌پێی ماده‌ی 406 له یاسای سزادانی عیراقی راگیراوه‌و له وته‌كانیشیدا ئاماژه‌ی به‌وه‌داوه كه هیچ له‌و كاره‌ی په‌شیمان نییه‌و زۆر ئاسووده‌یه".
