بافڵ تاڵەبانی جەختیان لە پابەندبوون بە وادە دەستوورییەکان و گرنگی بەڕێوەچونی دانیشتنی ئەنجومەنی نوێنەران لەڕۆژی یەکشەممە بۆ هەڵبژاردنی سەرۆک کۆماری عیراق کرد.
بافڵ تاڵەبانی، سەرۆکی یەکێتیی نیشتمانیی کوردستان و ئەبو ئالا وەلائی، ئەمینداری گشتیی گرووپی سەیدو شوهەدا لە بەغداد کۆبونەوەو هەنگاوەکانی پێکهێنانی حکومەتی نوێی عیراق و دوایین پێشهاتەکانیان تاوتوێکرد.
بەپێی راگەیەنراوی کۆبونەوەکە، هەردولا جەختیان لە پابەندبون بە وادە دەستورییەکان و گرنگی بەڕێوەچونی دانیشتنی ئەنجومەنی نوێنەران لە ڕۆژی یەکشەممە بۆ هەڵبژاردنی سەرۆک کۆماری عیراق کرد.
بەگوێرەی زانیارییەکان تاکو ئێستا یەکێتی و پارتی لەبارەی پۆستی سەرۆک کۆمار نەگەیشتون بە کاندیدێکی هاوبەش، یەکێتی سورە لەسەر کاندیدکردنی نزار ئامێدی و پارتیش فوئاد حسێنی وەک کاندیدی سەرەکی خۆی هێشتوەتەوە.
.jpg)
.jpeg)
.png)