ئەمڕۆ شەممە، سەرچاوەیەکی ئەمنی لە پارێزگای هەولێری باشووری کوردستان، هۆکاری ئازادنەکردنی شێخی هۆزی هەرکی، خورشید هەرکی، کە لە ژێر لێکۆڵینەوەدا لە یەکێک لە زیندانەکانی هەولێر دەستبەسەر کراوە بە تۆمەتی بەرگری و بەرەنگاربوونەوەی هێزەکانی ئاسایش، ئاشکرا کرد.
بەپێی ئەو سەرچاوەیە کە بۆ «کورد مۆنیتۆر» قسەی کردووە، «مەسعود بارزانی» فەرمانی دواخستنی ئازادکردنی شێخ خورشید هەرکی داوە. بە گوێرەی ئەو سەرچاوەیە، شێخ خورشید هەفتەیەک پێشتر لە ماڵەکەی لە ناوچەی قەزای خەبات دەستگیر کراوە. هەروەها بانگەشە دەکرێت هەندێک لە ئەفسەرانی لێکۆڵینەوە بە هێز هەوڵیان داوە ددانپێدانانی ساختە لێ وەربگرن، کە بە هۆی ئەوە یەکێک لە لاقەکانی شکاوە و ئەوی دیکەشی بریندار بووە و نیشانەکانی ئەشکەنجەی لەسەر دیارە. سەرچاوەکە دەڵێت ئازادکردنی دواخراوە بۆ ئەوەی پارتی بارزانی ڕووبەڕووی ڕەخنەی توند نەبێتەوە، کە لەوانەیە ببێتە هۆی ڕاپەڕینێکی گەورە.
سەرچاوەکە هەروەها دەڵێت هێزەکانی ئاسایش ڕێوشوێنی ترساندن، بەکارهێنانی هێز و ئەشکەنجەیان بەکارهێناوە بۆ وەرگرتنی ددانپێدانان لە شێخی هۆزی هەرکی. بە گوێرەی ئەم بانگەشانە، ئەم هەنگاوە وەک هەوڵێک بۆ حسابپاککردنەوە لەگەڵ نەیارانی بارزانی دەبینرێت و پەیامێکی ناڕاستەوخۆی تێدایە کە هەر کەسێک دژی دەسەڵاتی هەرێم بوەستێت، چارەنووسی زیندان و ئەشکەنجە دەبێت.
هەروەها سەرچاوەکە ئاماژەی بەوە کردووە کە هۆزی هەرکی هەڕەشەیان لە خێزانی بارزانی کردووە، ئەگەر خورشید هەرکی لە ماوەی چەند کاتژمێری داهاتوودا ئازاد نەکرێت، ئەوا ئەنجامەکانی خراپ دەبن.
سەرچاوە میرەر عەرەبی
