عوسمان گوڵپی،نەخۆشخانەکان دادەخرێن و نوسینگەکانی فرۆشتنی زەوی جمەیان دێت.

 

عوسمان گوڵپی : نەخۆشخانەکان دادەخرێن و نوسینگەکانی فرۆشتنی زەوی جمەیان دێ

کاکە قوباد گیان، ئەوەی ئەمڕۆ قسەیکرد ئۆپۆزسیۆن نەبوو، نە عەرەب بو نەتورك، بە فارسیش قسەی نەکرد، ئەوەی قسەیکرد یەکێکە لە بەڕێوبەرە گشتیەکانی سلێمانی و کەسی نزیکی قوباد تاڵەبانی و نوسینگەکەیەتی، بە زمانی شیرینی کوردی وتی(پێم ناخۆشە ئەم قسەیە دەکەم.

هەفتەی داهاتو سەرجەم نەشتەرگرییە گشتییەکان لە نێو نەخۆشخانە حکومەییەکان رادەگیرێت) ئەوە جگە لەوەی باسی نەبوونی پارەی کرد بۆ کڕینی دەرمان و زۆر شتیتر کە هەمووی ئابڕوچون بوو

ئەم قسەیە مانای زۆر گەورەی هەیە، ئەوە یانی هاوڕێیان ئیتر شکستەکانتان ناشارێنەوە، بە ناڕاستەوخۆ پێی وتن ئێوەیەک کە سەرقاڵی پارچەپارچەکردنی زەوی و فرۆشتنین بۆ گیرفانی خۆتان ئەمە ئەنجامەکەیەتی.

لە قسە بێ بنەماکانی وەزیری تەندروستی گەڕێن، باوەڕم بە یەك وشەی نیە و دەشزانم حەزدەکات لە سلێمانی حەبێكی سەر ئيشەی تیا دەست نەکەوێ ئیتر ئەمە عەقڵیەتی حیزبیە بۆ ئیدارەدان،بەلام وەرن گوێ لەو بەڕێوبەرە گشتیە بگرن کە هی خۆتانە و لە حیزبی خۆشتانە.

بلموناسەبە لەم هەفتەیەدا بەرپرسی بۆردی وەربەرهێنانی نوسینگەکەی جێگری سەرۆکی حکومەت کۆبونەوەی کردبوو سەبارەت بە گەشەی وەبەرهێنان، من یەك پەیامم لێ خوێندەوە ئەویش کورت و پوخت پێیان وتین ئێمە کارمان بە وەبەرهێنان و زەویەکانی شار هەیە، نەخۆشخانەکان دادەخرێن یان نا، قوتابخانە دەکرێتەوە یان نا بە جەهەننەم.