چەند سەرچاوەیەکی ئاگادار ئاشکرایان کردووە کە دروستکردنی تاوەرەکان لە دیمەشق و کەمکردنەوەی گرژییەکانڕۆ لەگەڵ ئەمریکا و ڕێگەدان بە ئەمریکا بۆ گەیشتن بە نەوت و غازی سوریا، هەموو ئەمانە بەشێکن لە پلانێکی ستراتیژی کە ئەحمەد ئەلشەرا سەرۆک کۆماری سوریا لە هەوڵێکدا بۆ دیدار لەگەڵ دۆناڵد ترەمپ هاوتا ئەمریکییەکەی لە سەردانەکەیدا بۆ ڕۆژهەڵاتی ناوەڕاست پەسەندی کرد. جۆناسان پێس، چالاکوانێکی ئەمریکی لایەنگری ترەمپ کە لە ٣٠ی نیساندا بۆ ماوەی چوار کاتژمێر لە دیمەشق کۆبووەوە، لەگەڵ چالاکوانانی سوریا و عەرەبەکانی کەنداو، هەوڵدەدات لەم هەفتەیەدا لە پەراوێزی سەردانەکەی ترەمپ بۆ وڵاتانی سعودیە و قەتەر و ئیمارات کۆبوونەوەیەکی مێژوویی - ئەگەرچی زۆر بەدووری نازانرێت - لە پەراوێزی سەردانەکەی ترەمپ بۆ سعودیە و قەتەر و ئیمارات ڕێکبخات.
سوریا لە خەباتدایە بۆ جێبەجێکردنی مەرجەکانی واشنتۆن بۆ سووککردنی سزاکانی ئەمریکا، کە وڵاتەکەی لە سیستەمی دارایی جیهانی داببڕێت و بوژانەوەی ئابووری لە دوای شەڕێکی وێرانکەری ١٤ ساڵەدا لە ڕادەبەدەر قورس دەکات.
پێس هیوادارە کۆبوونەوەی ترەمپ لەگەڵ ئەلشەرا یارمەتیدەر بێت بۆ نەرمکردنی هەڵوێستی سەرۆکی کۆمارییەکان و ئیدارەکەی بەرامبەر دیمەشق و هێورکردنەوەی پەرەسەندنی گرژییەکانی نێوان سوریا و ئیسرائیل.
ئەمریکا تا ئێستاش بە هۆی پەیوەندییەکانی ڕابردووی لەگەڵ قاعیدە، ئەلشەرا وەک ڕێکخراوێکی تیرۆریستی خستووەتە لیستی تیرۆرەوە.بەشێک لەو گرەوانە لەسەر بنەمای ڕیکۆردی ترەمپە لە شکاندنی تابۆ تەقلیدییەکانی سیاسەتی دەرەوەی ئەمریکا، وەک دیدارەکەی لەگەڵ کیم جۆنگ ئون سەرۆکی کۆریای باکوور لە ناوچەی داماڵینی سەربازی نێوان هەردوو کۆریا لە ساڵی ٢٠١٩.
پێس وتی: ئەلشەرا خوازیاری ڕێککەوتنێکی بازرگانییە بۆ داهاتووی وڵاتەکەی و ئاماژەی بەوەدا کە ڕێککەوتنێکی لەو شێوەیە دەتوانێت ئیستغلالکردنی وزە، هاوکاری دژی ئێران و پەیوەندی لەگەڵ ئیسرائیل لەخۆبگرێت.
ئاماژەی بەوەشکرد، پێی وتم دەیەوێت تاوەری ترەمپ لە دیمەشق دروستبکات، دەیەوێت ئاشتی لەگەڵ دراوسێکانیدا هەبێت، ئەوەی پێی وتم بۆ ناوچەکە و بۆ ئیسرائیل باشە.پەیوەندی کەسی نێوان ترەمپ و شارا
پێس ئاماژەی بەوەشکردووە، شارا باسی لەوە کردووە کە وەک پەیوەندییەکی کەسی لە نێوان خۆی و ترەمپدا دەیبینێت: "هەردووکیان بە شێوەیەکی موعجیزەئامێز لە هەوڵێکی تیرۆرکردن ڕزگاریان بووە".
کاربەدەستانی سوریا و بەرپرسێکی میدیایی سەرۆکایەتی، وەڵامی داواکارییەکیان بۆ لێدوان نەدایەوە.
سەرۆکایەتی کۆماری سوریا بڵاویکردەوە، شەرا ڕۆژی یەکشەممە لەگەڵ محەممەد بن سەلمان، شازادەی جێنشینی سعودیە قسەی کردووە.
سه ڕچاوه یه کی نزیک له شارا ڕایگه یاند که هێشتا له سعوودیه کۆبوونه وه ی نێوان تره مپ و شارا له گه ڵدا ده بێت، به ڵام دووپاتی نه کرده وه که ئایا شارا بانگهێشتنامه ی پێ گه یشتووه یان نا.
سەرچاوەکە ئاماژەی بەوەشکردووە، "تا کۆتا خولەک نازانین ئەم کۆبوونەوەیە ئەنجام دەدرێت یان نا".
سەرچاوەی هەواڵ ڕۆیترز
