سۆزان مەنسور : "گەر توطين نەکرێت گرفتی دواکەوتنی مووچە سەرهەڵدەداتەوە "
سۆزان مەنسور، وتەبێژی فراكسیۆنی یەكێتی لە پەرلەمانی عێراق، هۆشداری دا کە ئەگەر پرۆسەی "توطين" (بانکی کردنی مووچە) بەخێرایی بۆ فەرمانبەران جێبەجێ نەکرێت، ئەوا جارێکی دیکە هەرێمی کوردستان ڕووبەڕووی گرفتی دواکەوتنی مووچە دەبێتەوە.
مەنسور لە لێدوانێکدا جەختی کردەوە: "ئەگەر بەخێرایی توطين بۆ فەرمانبەران نەكرێت، جارێکی دیكە گرفتی دواكەوتنی مووچە سەر هەڵدەداتەوە و گرفت بۆ مووچەی فەرمانبەران دروست دەبێت."
ئەم لێدوانە لە کاتێکدا دێت کە حکومەتی عێراق و حکومەتی هەرێمی کوردستان لە ماوەی ڕابردوودا گەیشتبوونە ڕێککەوتن لەسەر بانکی کردنی مووچەی فەرمانبەرانی هەرێم، بەڵام پرۆسەکە هێشتا بە تەواوی جێبەجێ نەکراوە.
وتەبێژی فراکسیۆنی یەکێتی لە پەرلەمانی عێراق ویستی بە بیر هێنانەوەیەکی جددی بخاتە ڕوو بۆ ئەوەی لایەنە پەیوەندیدارەکان پرۆسەی توطين خێراتر بکەن، بۆ ئەوەی فەرمانبەرانی هەرێمی کوردستان دووچاری ئەزمەی دارایی نەبنەوە وەک ئەوەی لە ساڵانی ڕابردوودا ڕوویدا.
گرفتی دواکەوتنی مووچە یەکێک بووە لە کێشە هەرە سەرەکییەکانی هەرێمی کوردستان لە چەند ساڵی ڕابردوودا، کە کاریگەری خراپی لەسەر ژیانی هاووڵاتیان و باری ئابووری هەرێم هەبووە.
