ەئەنجامی زنجیرەیەک بۆردومانی فڕوکە جەنگییەکانی تورکیا بۆ سەر ڕۆژئاوای کوردستان 12 کەس شەهیدبون، کە زۆربەیان هاوڵاتی سڤیلن.
ناوەندی ڕاگەیاندنی هێزەکانی سوریای دیموکرات (هەسەدە) لەڕاگەیەندراوێکدا ئاماژەی بەوەکرد، دوای کاتژمێر 3:00ی نیوەڕۆی ئەمڕۆ چوارشەممە، فڕۆکە جەنگییەکانی تورکیا 16 هێرشی ئاسمانییان بۆ سەر ناوچەکانی شەدادی و رویشد لە باشوری پارێزگای حەسەکە ئەنجامدا.
ئەوەشیخستەڕوو، لە یەکێک لە هێرشەکاندا بنکەیەکی سەربازیی هێزەکانی هەسەدە کراوەتە ئامانج و بەهۆیەوە چوار شەڕڤان شەهیدبون، لە هێرشێکی دیکەشدا ماڵێک بۆردومانکراوە کە کۆمەڵێک هاوڵاتی و کرێکاری تێدا نیشتەجێ بوون، بەهۆیەوە شەش کەس شەهیدبون.
ناوەندی ڕاگەیاندنی هێزەکانی هەسەدە باسی لەوەشکرد، لەڕێگای سەرەکی نێوان دێرەزۆر و حەسەکە ئۆتۆمبێلی هاوڵاتییەکی شوانکار کراوەتە ئامانج، لە ئەنجامیشدا دوو شوانکار سەهیدبون.
