ئاژانسى وڵات
پارێزگارى موسهننا بڕیاریداوه رێكارى یاسایی دژى ئهو ئهفسهره بگرێته بهر كه داواى له تاقانهیهكى ئهنفال كرد ئاڵاى كوردستان لهسهر شانى بهێنێتهخوارهوه، پاشان بچێته سهر گۆڕه بهكۆمهڵهكان.
فهوزی ههریری، سەرۆکى دیوانى سەرۆکایەتیى هەرێمى کوردستان له راگهیهنراوێكدا كه لهوبارهیهوه بڵاوكراوهتهوه دهڵێت: "هەڵسوکەوتى نەشیاوى تاکەکەسیى ئەفسەرێکى عێراقى، بەرامبەر بە ئاڵاى کوردستان لە ملى یەکێک لە کەسوکارى قوربانیانى ئەنفالدا لە پارێزگاى موسەننا، مایەى نیگەرانییە، کاردانەوەى زۆرى لێ کەوتەوە".
ئهوهشى خستهڕوو: "سوپاسى بەڕێز پارێزگارى موسەننا دەکەین، کە بۆ ئەو ڕووداوە داواى لێبووردنى کردووە و ڕێکارى یاسایى بەرامبەر بە ئەفسەرەکە گیراوەتە بەر".
رۆژی سێشەممە 30ى تهموز، ئەفسەرێکی سوپای عێراق داوای لە تاقانەیەکی ئەنفال کرد ئاڵای کوردستان لەسەر شانی لاببات و وتی :"دەبێت تەنیا ئاڵای عێراق هەڵبکرێت و ئاڵای کوردستان قەدەغەیە". ئەم رووداوە کاردانەوەی بەدوایخۆیدا هێنا و پارێزگاری موسەنناش داوای لێبووردنی لە گەلی کوردستان کرد و رایگەیاند: ئەوەی ئەو ئەفسەرە کردوویەتی کارێکی کەسی بووە و لەسەر ئەو کارەی رێوشوێنی یاسایی لە بەرامبەر دەگرینەبەر".
