هێزەكانی بنكەی پۆلیسی وارماوا باندێكی سێ كەسییان دەستگیركرد كە تۆمەتبارن بەبازرگانیكردن و بەكارهێنەری ماددەی هۆشبەر .
هێزەكانی بنكەی پۆلیسی وارماوا(زەڕایەن) زانیارییان پێگەیشت كە باندێكی سێ كەسی بەكارهێنەرو بازرگانیكەرن بەماددەی هۆشبەر، هێزەكانی پۆلیس لێكۆڵینەكانیان دەستپێكردوو زانیاری تەواو لەسەر تۆمەتباران دەستكەوت و توانرا لەچەند شەوێكی جیاوازداو لەچەند بۆسەیەكدا كە لەلایەن هێزەكانی بنكەی پۆلیسی وارماواوە دانرابوو هەرسێ تۆمەتبار دەستگیربكرێن.
لەكاتی دەستگیركردنی تۆمەتباراندا دەستگیرا بەسەر سێ جۆر لەماددەی هۆشبەرو كەرەستەی ئامادەكراو بۆبەكارهێنان و بازرگانیكردن بەو ماددانە هەروەها ئۆتۆمبێلێك دەستیبەسەردا گیرا كە بەتۆمەتباران بووە.
لەئێستادا هەرسێ تۆمەتبار بەفەرمانی بەڕێز دادوەرو بەپێی ماددەی 14ی هۆشبەر ڕاگیراون و پەڕاوی لێكۆڵینەوە بۆ تۆمەتباران كراوەتەوە.
بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان
