رۆژنامه‌نووس فەرمان ناشاد،له نوسینێكدا كه له‌په‌یجی تایبه‌تی خۆی له‌تۆڕی كۆمه‌ڵایه‌تی بڵاوی كردوه‌ته‌وه نوسیویه‌تی: ساڵێک تێپەڕ دەبێت بەسەر هەوڵی رفاندن و تیرۆر کردنم لە لایەن نێچیر و رەوانی برای،ئەوەی بەرامبەر من کرا لە هەوڵی رفاندن و تیرۆر کردنم، کارێک بوو دووربوو لە یاسا، دووربوو لە عورفی کۆمەلایەتی و داب و نەریتی کوردەواری،کارێکی خێلگەرانی و مافیاگەری بوو،بە درێژایی ساڵی رابردوو هەموو هەوڵی من ئەوەبوو بە یاساکانی هەرێمی کوردستان و جیهان مافەکانم بۆ بگڕێتەوە، لەسەر ئەم هەوڵەش بەردەوام دەبم هەر رێکاری یاسای دەگرمەبەر.
ئه‌و رۆژنامه‌نووسه ده‌شڵێت،ئامادەنین بێنە بەردەم دادگا چونکە یاسا بە سەروەر نازانن،ئەوەی بەرامبەرم کرا تەنیا لەسەر ئەوەبوو باسی ئەوەم کرد دەبێت داهاتی ووڵات شەفاف بێ و چاکسازی لە حکومەت بکرێت، جاش و خاک فرۆشبام رێزی تایبەتم دەبوو !!
ناوبراو راشیگه‌یاندوه: 18/2 نە لە یادم دەچێ نە لەسەریان دەچێ !
