بە فەرمانی دادوەری لێكۆڵینەوەی قەزای سەیدسادق، شەش كەس كە سەر بە لایەنێكی سیاسین، بە تۆمەتی پشێوینانەوە و بەلاڕێدابردنی خۆپیشاندانی قەزاكە، دەستگیر كران.
دیاری ڕەفیق، قایمقامی قەزای سەیدسادق لەوبارەیەوە ڕایگەیاند؛ ئەو شەش كەسەی دەستگیر كراون، خەڵكی دەرەوەی سەیدسادقن و هەوڵیانداوە ئاڕاستەی خۆپیشاندانەكان بگۆڕن، بەڵام پاش ئەوەی لەلایەن هاوڵاتییانەوە ئاگادار كراونەتەوە، بە فەرمانی دادوەر دەستگیر كراون.
وتیشی: "فەرمانی دەستگیركردن بۆ دو كەسی دیکەش دەرچوە كە بەهەمان شێوە هەوڵی پشێوینانەوەیان داوە".
