بارەگای پارتی دیموکراتی کوردستان لەشاری هەڵەبجە خرایە ئامادە باشییەوە و مەترسی دەکرێت هێرش بکرێتە سەر بارەگای پارتی دیموکراتی کوردستان لەو شارە. سەرچاوەیەکی سیاسی بە (باسنیوز)ی راگەیاند: بارەگای پارتی دیموکراتی کوردستان لەشاری هەڵەبجە کەوتوەتە ئامادە باشییەوە و مەترسی دەکرێت هێرش بکرێتە سەر بارەگاکان، بۆیە بەشێکی زۆری دەزگا ئەمنییەکان ئاگادارکراونەتەوە کە ئامادە بن لەبەردەم بارەگای لقی ١٢ی پارتی و لە سلێمانیش داوالە دەزگا ئەمنییەکان کراوە لەبەردەم لقی ٤ی پارتی کۆببنەوە.
هاوکات لە ناحیەی شاراوا و بازیان و کەلار و چەمچەماڵ داواکراوە دەزگا ئەمنییەکان بارەگاکانی پارتی بپارێزن.
سەعید پشدەری، بەرپرسی لقی ٤ی پارتی دیموکراتی کوردستان لە سلێمانی بە (باسنیوز)ی راگەیاند: دەزگا ئەمنییەکان ئاگاداریان کردوونەتەوە کە بارەگاکانیان لەسەرجەم سنووری پارێزگای سلێمانی دەپارێزرێت.
بڕیاریشە ئەم شەو پارتی دیموکراتی کوردستان بەیان نامەیەک بڵاو بکاتەوە و ڕوونکردنەوەیەک بۆ ڕای گشتی رابگەیەنێت.
