نوێترین

recent

13/10/2015

باژێڕوانی‌ سلێمانی: ئه‌گه‌ر هه‌یه‌ له‌ داهاتوودا بارزانی‌ و نه‌وشیروان مسته‌فا كۆببنه‌وه‌

باژێڕوانی‌ سلێمانی‌ بزووتنه‌وه‌ی‌ گۆڕان رایده‌گه‌یه‌نێت، تائێستا هیچ قسه‌یه‌ك نه‌كراوه‌ له‌باره‌ی‌ كۆبوونه‌وه‌ی‌ نێوان مه‌سعود بارزانی‌ و نه‌وشیروان مسته‌فا.

ئاسۆ مه‌حمود، باژێڕوانی‌ سلێمانی‌ بزووتنه‌وه‌ی‌ گۆڕان تایبه‌ت به‌ خه‌ندانی‌ راگه‌یاند: "ئه‌گه‌ر هه‌یه‌ له‌ داهاتوودا مه‌سعود بارزانی‌ و نه‌وشیروان مسته‌فا كۆببنه‌وه‌، چونكه‌ ئێمه‌ حزبێكی‌ سیاسین و یه‌كێك له‌ زمانه‌كانی‌ ئێمه‌ دانوستان و گفتوگۆیه‌".

وتیشی‌: "ئێمه‌ دوژمنی‌ پارتی‌ دیموكراتی‌ كوردستان نین، به‌ڵام نه‌یاری‌ سیاسی‌ ئه‌و حزبه‌ین، هه‌روه‌ها جیاوازی بیروڕامان هه‌یه‌ له‌سه‌ر سیستمی‌ حكومڕانی‌ و خزمه‌تگوزاری‌ له‌م وڵاته‌دا".

ئاماژه‌ی‌ به‌وه‌شكرد: "تائێستا هیچ قسه‌یه‌ك نه‌كراوه‌ له‌باره‌ی‌ كۆبوونه‌وه‌ی‌ نێوان مه‌سعود بارزانی‌ و نه‌وشیروان مسته‌فا".
Picsart-24-02-23-21-31-09-085