ووڵات نێت/
كوتلەی بەدر لەئەنجوومەنی نوێنەرانی عێراق رایگەیاند، ئەوان ناوی سەرۆكی ڕێكخراوەكەیان داوەتە سەرۆك وەزیران بۆ پۆستی وەزیری ناوخۆ.
(كەریم نوری) ئەندامی ڕێكخراوی بەدر بۆ ماڵپەری ئەینە رایگەیاند، ئەوان ناوی (هادی عامری) یان پێشكەشی (حەیدەر عەبادی) سەرۆك وەزیران كردووە بۆ پێدانی پۆستی وەزیری ناوخۆ.
ئەندامەكەی ڕێكخراوی بەدر باسیشی لەوەكردووە، ئەوان تەنها كاندیدیان عامری بووە بۆ وەزیری ناوخۆ، ئەوەش بەپێی ڕێككەوتنێكی سیاسی بووە لەنێوان لایەنەكان.
جێگەی باسكردنە هەفتەی رابردوو عەبادی لەساتەوەختی سوێندخواردنی وەك سەرۆك وەزیران بەڵێنیدا تاكو یەك هەفتە پۆستەكانی وەزارەتی ناوخۆو بەرگری یەكلایی دەكاتەوە.
