خۆسێ مۆرینهۆ ڕاهێنه‌ری پێشووی یانه‌ی ڕیال مه‌دریدی ئیسپانی له‌لێدوانێکیدا ئاماژه‌ی به هۆکاری سه‌رنه‌که‌وتنیدا له‌گه‌ڵ یانه‌ی ڕیال مه‌درید و ئاشکرایکرد کریستیانۆ ڕۆناڵدۆ یه‌کێک بووه له‌و هۆکارانه.
له‌لێدوانێکیدا بۆ که‌ناڵی "TV24" مۆرینهۆ وتی :"به‌ده‌ست هێنانی خولی چامپیۆنزلیگ دوو جار منی کرد به "سپه‌یشه‌ل 1" به‌ڵام به‌دڵنیاییه‌وه هه‌ندێک شکست هه‌یه که هه‌رگیز ناتوانم له‌بیریکه‌م".
وتیشی :"له قورسترین کاته‌کانم ئه‌و لێدانه سزایه‌بوو که ڕۆناڵدۆ به‌رامبه‌ر بایرن میونیخ له‌ده‌ستیدا له قۆناغی چوارگۆشه‌ی زێرینی خولی چامپیۆنز لیگ، ئه‌و لێدانه بووه هۆی ده‌رکردنمان له پاڵه‌وانێتییه‌که".
جێی ئاماژه‌یه خۆسێ مۆرینهۆ له‌م وه‌رزه‌دا له‌گه‌ڵ یانه‌ی چێلسی ئاستێکی به‌هێز پێشکه‌ش ده‌کات و له‌کۆی چوار یاریی 12 خاڵی بۆ شین پۆشه‌کان به‌ده‌ست هێناوه‌و یه‌که‌می ڕیزبه‌ندی خولی پرێمه‌رلیگی گرتووه.
