ووڵات نێت |
وەزارەتی شارەوانیرایدەگەیەنێت كە بەم نزیکانە زەوی بەسەرئەو زیندانیە سیاسیانە دابەش دەکرێت کە فەرمانی زەوی وەرگرتنیان ھەیە ئەمەش لە رێگای تیرو پشكەوە دەبێت .
لە راگەیەندراوێكی وەزارەتی شارەوانیدا هاتووە: ئەمرۆ 10ی ئەیلول بەسەرپەرشتی نەورۆز مەولود وەزیری شارەوانی و گەشتوگوزار کۆبونەوەی ئەنجومەنی وەزارەت سەبارەت بەدواھەنگاوەکانی پێدانی زەوی بەزیندانیانی سیاسی و کەس و کاری شەھیدان و ئەنفالکراوان و ئەو زەویانەی رەزامەندی ئەنجومەنی وەزیرانیان ھەیە ئەنجامدراوە .
لە راگەیاندراوەکە ئەوەش هاتووە: بەمنزیکانە لەھەولێر تیروپشک بۆ ئەو زەویانە دەکرێت کە بۆ زیندانیانی سیاسی تەرخانکراون .
لەبارەی دواكەوتنی دابەشكردنی زەویەكانیش ئەنجومەنی وەزارەتی شارەوانی ھۆکارەكەی بۆ نەبونی زەوی گێراوەتەوە، بەڵام دووپاتی کردۆتەوە کە بەم نزیکانە بە تیروپشک زەویەکانی ھەولێر دابەش دەکرێت .
لەبارەی دواكەوتنی دابەشكردنی زەویەكانیش ئەنجومەنی وەزارەتی شارەوانی ھۆکارەكەی بۆ نەبونی زەوی گێراوەتەوە، بەڵام دووپاتی کردۆتەوە کە بەم نزیکانە بە تیروپشک زەویەکانی ھەولێر دابەش دەکرێت .
لە كۆبونەوەكەدا لەسەر نەھێشتنی زیادەرۆیی لەسەر موڵکی گشتی بریاردراوە لێژنە پەیوەندیدارەکان بەدواداچونی بەردەوام بکەن بۆ رێگری کردن لە زێدەرۆیی بەھەماھەنگی لەگەڵ لایەنە پەیوەندیدارەکان و یەکە ئیداریەکانی ناوچەکە بەپشت بەستن بە رێساو یاساکان .
جێی باسە لە شاری ھەولێر 800 زیندانی سیاسی فەرمانی زەوی وەرگرتنیان ھەیە و لە دھۆکیش بە ھەمان شێوە ٥٠٠ زیندانی سیاسی ھەیە و لە بڕیارەکەی وەزارەتی شارەوانی سودمەند دەبن .
