يانه‌ی ئه‌تله‌تيکۆ مه‌دريدی ئيسپانی گۆڵپارێزێکی ديکه‌ی گواسته‌وه‌ ڕيزی يانه‌که‌ی

به‌شیوه‌يه‌کی فه‌رمیی يانه‌ی ئه‌تله‌تيکۆ مه‌دريدی ئيسپانی گۆڵپارێزێکی ديکه‌ی گواسته‌وه‌ ڕيزی يانه‌که‌ی بۆ زياتر پاراستنی تۆڕی گۆڵه‌که‌یان.

پاش ڕۆيشتنی کۆرتوا و کۆتایی هاتنی خواستنه‌که‌ی و گه‌ڕانه‌وه‌ی بۆ چێڵسی، يانه‌ی ئه‌تله‌تيکۆ مه‌دريد هه‌ر به‌زووی که‌وته‌ خۆی و توانیی له‌ ماوه‌ی دوو هه‌فته‌دا دوو گۆڵپارێز بگوازێته‌وه‌ تيمه‌که‌ی.

به‌شێوه‌يه‌کی فه‌رمیی ئه‌تله‌تيکۆ مه‌دريد هه‌واڵی چوونی ميگێل ئه‌نخێلی ئيسپانی و گۆڵپارێزی خيتافيان بۆ ڕيزی يانه‌که‌يان بڵاوکرده‌وه‌و بووه‌ گۆڵپارێزی پێکهاته‌که‌ی سيميۆنی ڕاهێنه‌ريان.

ميگێل ته‌مه‌نی 30 ساڵه‌و ماوه‌ی دوو وه‌رزه‌ گۆڵپارێزی خيتافی ـيه‌، له‌و ماوه‌يه‌دا له‌ 58 ياريدا گۆڵپارێزی خيتافی بوووه‌.