به‌هۆی مه‌ترسیان له هێرشی هێزه‌كانی پێشمه‌رگه، تیرۆرستانی داعش له جه‌له‌ولا باره‌گای زیندانیه‌كانیان گواسته‌وه. فه‌رمانده‌یه‌كی هێزه‌كانی پێشمه‌رگه له جه‌له‌ولا رايگه‌یاند: تیرۆرستانی داعش ژماره‌یه‌ك هاووڵاتیان زیندانیكردوه كه‌له‌باره‌گایه‌كدابوون له گه‌ڕه‌كی وه‌حده‌ی ناحیه‌ی جه‌له‌ولا، به‌ڵام له‌ئێستادا به‌پێی زانیارییه‌كان زیندانیه‌كانیان گواستۆته‌وه بۆ باره‌گایه‌كی تر له ناوچه‌ی تبج-ی نزیك جه‌له‌ولا.
وتیشی: ناوچه‌ی تبج دانیشتوانه‌كه‌ی عه‌ره‌بی شۆڤێنین، تیرۆرستانی داعش له‌ترسی هێرشه‌كانی پێشمه‌رگه بۆ سه‌ر ناحیه‌ی جه‌له‌ولا ئه‌و كاره‌یان ئه‌نجامداوه.
