هه‌رچه‌نده پۆستی سه‌رۆك كۆماری عیراق پشكی كورده‌و له‌ناویشیاندا هی یه‌كێتی نیشتمانی كوردستانه، به‌ڵام سه‌رچاوه‌یه‌ك له ئه‌نجومه‌نی نوێنه‌رانی عیراق ئاشكرایكرد كه دوای كردنه‌وه‌ی ده‌رگای خۆكاندیدكردن بۆ پۆستی سه‌رۆك كۆماری عیراق له‌لایه‌ن سه‌لیم ئه‌لجبوری سه‌رۆكی په‌رله‌مانی عیراقه‌وه، ژیاننامه‌ی چه‌ند كاندیدێك بۆ ئه‌و پۆسته گه‌یشتۆته ده‌سته‌ی سه‌رۆكایه‌تی په‌رله‌مان كه عێراقی نیشته‌جێی ده‌ره‌وه‌ی وڵاتی تێدایه.ئه‌و سه‌رچاوه‌ی ئه‌وه‌شی ئاشكراكرده‌وه كه هه‌ر له‌دوای كردنه‌وه‌ی ده‌رگای خۆكاندیدكردنه‌كه ژیاننامه‌ی ژماره‌یه كه‌سایه‌تی گه‌یشتۆته په‌رله‌مان.
جێگه‌ی ئاماژه‌یه گه‌یشتنی ناوی ئه‌و كاندیدانه له‌كاتێكدایه كه هێشتا یه‌كێتی نیشتمانی كوردستان به‌ره‌سمی كاندیدی خۆی بۆ ئه‌و پۆسته رانه‌گه‌یاندووه كه پشكی خۆیه‌تی.
ده‌رگای خۆكاندیدكردن بۆ پۆستی سه‌رۆك كۆماری عیراق له‌دوای یه‌كه‌م دانیشتنی ده‌سته‌ی نوێی سه‌رۆكایه‌تی په‌رله‌مان بۆ ماوه‌ی سێ رۆژه هه‌روه‌ك سه‌رۆكی په‌رله‌مانیش له‌دانیشتنی یه‌كه‌مدا رایگه‌یاند.
