بە پێی هەواڵێكی ماڵپەری(پیوكەی میدیا) كە زمان حاڵی یەكێتی نیشتیمانی كوردستانە، سەرۆك جەلال تاڵەبانی سبەینێ 19-7-2014 دەگەڕێتەوە بۆ هەرێمی كوردستان.
نوسینگه‌ی سه‌رۆكایه‌تی كۆماری عیراق له به‌یاننامه‌یه‌كدا ئه‌مڕۆ18-7-2014، بڵاویكرده‌وه كه به‌هۆی باشبوونی ته‌ندروستیه‌وه، سه‌رۆك مام جه‌لال سبه‌ینێ له وڵاتی ئه‌ڵمانیاوه، ده‌گاته‌وه خاكی هه‌رێمی كوردستان و به‌م بۆنه‌یه‌شه‌وه پیرۆزبایی له سه‌رجه‌م هاووڵاتیانی هه‌رێمی كوردستان و عیراق ده‌كه‌ین.
دوابه‌دوای ئه‌و به‌یاننامه‌یه، په‌یوه‌ندی به قوباد تاڵه‌بانی كوڕی سه‌رۆك تاڵه‌بانی و جێگری سه‌رۆكی حكومه‌تی هه‌رێمی كوردستانه‌وه كردو ئه‌ویش ئه‌و هه‌واڵه‌ی پشتراستكردۆتەوە و به‌و بۆنه‌یه‌شه‌وه پیرۆزبایی له سه‌رجه‌م هه‌ڤاڵان و دۆستان و لایه‌نگرانی یه‌كێتیی نیشتمانیی كوردستان و هاووڵاتیانی كوردستان و عیراق كرد.
